یول سال فرات اوسته کرم دریاسی قارداش #عباسیه_تائب_تبریزی

استمداد حضرت قمر بنی هاشم (ع)
..
..
..
..
سبک ها: #سبک_یا_فاطمه_من_عقده_دل_وا_نکردم … #سبک_ای_درد_بی_درمانلارا … و با اضافه کردن واگیر : #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
..
مرحوم تائب تبریزی
..
..
..
..
..
یول سال فرات اوسته کرم دریاسی قارداش
درک ایت یارالی قارداشون عباسی قارداش
..
گل ای وفالی
باشی بلالی
سنده یارالی
منده یارالی
..
..
قوللار گیدوب مشگ اوخلانوبدور سویانیندا
عطشان دوشوبدور کربلا سقاسى قارداش
..
..
..
..
..
سن باغبانسان سر و سروستانوام من
بیر عمردور پروردۀ احسانوام من
فریاده یت قارداش سنون قربانو ام من
گل سرفراز ایت قارداشون عباسی قارداش
..
..
..
..
..
گرچه واریمدور چوخلی زخم جانگدازیم
عشق عالمینده نوشدور بو سوز و سازیم
گلسن باشیم اوسته چوخ آرتار امتیازیم
اولام بویوک شخصیتین داراسی قارداش
..
..
..
..
..
ای دولدوران شخصیتی ملک حجیزی
سن مصطفا دلبندیسن زهرا عزیزی
من بیر غلامم هم آنام زهرا کنیزی
من تک کیمین وار رتبۀ والاسى قارداش
..
..
..
..
..
خوشدور گورم ظلّ جلالی باشیم اوسته
گل سایه سال بیرده بلالی باشیم اوسته
اون یدى قاتل وار یارالی باشیم اوسته
اللرده تک تک خنجر برّاسی قارداش
..
..
..
..
..
میرابیدیم من باغ دین باغِستانیندا
سیراب ایدن گلر حسینی بستانیندا
نیلوم دوشوب قالدیم یارالی سو یانیندا
قالدى سوسوز دین گلشن زیباسی قارداش
..
..
..
..
..
یکسر منیم اطرافیمی دشمن آلوبدی
قوللاریمی دست جفا تندن سالوبدی
شمشیریمیله اللریم یرده قالوبدی
چوخدور بلالی باشمین غوغاسی قارداش
..
..
..
..
..
ای خضره اعطا ایلین آب حیاتی
آلدیم سویی یاده سالوب تشنه بناتی
ایتدیم حرام اوز نفسیمه آب فراتی
بولدوم سوسوزدور ماسوا مولاسی قارداش
..
..
..
..
..
رسم وفادن سویلدیم حاشا گئچم من
اوز نفسیمی نفس حسینینمدن سئچم من
عطشان قالا زهرا عزیزی سو ایچم من
ساقط اولا منده وفا احساسی قارداش
..
..
..
..
..
ایستردی آرتورسون فرات اوز آبروسین
رمزاً منیله باشلادی اوز گفتگوسین
سوایچمدیم قویدوم گوزونده آرزوسین
چخدیم سودان باشدا وفا سوداسی قارداش
..
..
..
..
..
چیگنیمده مشگ احساس چوخ اعزاز ایدردیم
شهباز تک پرواز ایچون پر باز ایدردیم
سو شوقی باشدا شوقیله پرواز ایدردیم
گوش دلیمده قزلار اِستِسقاسى قارداش
..
..
..
..
..
یول خیمه گاهه فکر ایدردیم بیرده سالّام
مشگیم دولی سقّا آدیم دللرده قالّام
سیراب ایدوب نازلی سکینه گوگلون آلّام
عرشه اوجالماز نالۀ الماسی قارداش
..
..
..
..
..
من مشگی حفظ ایتماقه ایتدیم سینه حایل
گچدیم ایکی قولدان أیدم کسب فضایل
اللرده گیتدی اولمادیم مقصوده نایل
حسرتله باغریم اولدى قان دریاسی قارداش
..
..
..
..
..
یازدیم وفا لفظین یره اوز قانیمیله
سو مشگی می دوتدوم برابر جانیمیله
قولسوز ایدردیم حمل اوز دندانیمیله
تا امر مولانین اولا اجراسی قارداش
..
..
..
..
..
چوخ چوخ چالشدیم قورتارام مشگی سلامت
افسوس اولا بیر اوخ ایدوب مشگه اصابت
گل یوزلی قزلاردان منی ایتدی خجالت
آخدی سویی گیتدی دلیم یاراسی قارداش
..
..
..
..
..
اوخلاندی مشگیم قلبیمی یاندیردی یاخدی
من مشگیمه مشگیم منه حسرتله باخدى
مشگ آغلادی من آغلادیم گوز یاشیم آخدی
دریایه دوندی کربلا صحراسى قارداش
..
..
..
..
..
خوشدور یارالی باش دیزونده جان ویرم من
قانلو یوزوم قارداش یوزونده جان ویرم من
آغلار گوزوم آغلار گوزونده جان ویرم من
صورت تاپا قارداشلیقین معناسی قارداش
..
..
..
..
..
یوزده یازار بو گوز یاشیم ای وای حسین وای
یالقز کمکسیز یولداشیم ایوای حسین وای
ایوای بلالی قارداشیم ایوای حسین وای
نی تک سزیلدار پیکریم اعضاسی قارداش
..
..
..
..
..
بیرجه نولوردی داغلی دلدن داغلاشیدوخ
آغلار بولود تک بیر دولیدوخ بیرداشیدوخ
باهم ایکی قارداش بوچولده آغلاشیدوخ
نوش ایتمه میش جام اجل صهباسی قارداش
..
..
..
..
..
گلسن اگر سن باشیم اوسته رأفتیله
قوی دوشدوقوم یرده قالوم بو حالتیله
اوز مصرعیمده جان ویروم من خجلتیله
قالسون آدیم دینین خجل سقتاسی قارداش
..
..
..
..
..
یوخدور آنام اولسون عزالی نعشیم اوسته
دوتسون عزا باشی قرالی نعشیم اوسته
گلسون صباح زینب یارالی نعشیم اوسته
بیر اوخشاسون کرب و بلا زهراسی قارداش
..
..
..
..
..
تائب بیزه مداح اولوب دار فناده
قورخور قیامتدن گناهی وار زیاده
محشور اولار أحراریله یوم جزاده
اولسا الینده گر حسین امضاسی قارداش
..
..
..
..
..