شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
ای شیعه ائدون ناله و افغان بو عزاده
واردور یری گر آغلیاسوز قان بو عزاده
.
.
رحلت ائلیوب شیعه بوگون حضرت زهرا
محزون و ملول اولموش هامی عترت طاها
صعب اولدی حسین و حسنه بو غم عظما
آچمیش باشینی زینب نالان بو عزاده
.
.
لازمدی بو محنتده هامی پیر و جوانه
شوریله گله ناله و فریاد و فغانه
قان آغلیا هر لحظه او خاتون جهانه
یانسون أو دلی اولمیا سوزان بو عزاده
.
.
تسلیم ائلیوب جانین او خاتون قیامت
وئردی اونا غسل ائتدی کفن شاه ولایت
برهم نیه بس اولمادی بو عالم او ساعت
باشینی آچاندا شه عطشان بو عزاده
.
.
شاه شهدا نعشی او خاتونه نظاره
ائتدوکجه توکوب اشک گلوب ناله و زاره
عرض ائتدی منی آلمیه سن بیرده کناره
تا واردی حیات آغلارام هر آن بو عزاده
.
.
از بسکه حسینین اوجالوب شیون و شینی
گوز یاشلی گورنموب او قطیع الودجینی
قوللارین آچوب چکدی کناره حسنینی
آز قالدی اولا حشر نمایان بو عزاده
.
.
گوگلوم قوشی بو غمده باتوب گرچه ملاله
چون بلبل شوریده ائدر شیون و ناله
بیر اوزگه هم آغوش غمی سالدی خیاله
شوریله گلون نالیه یاران بو عزاده
.
.
بولمم ائدوم اول سرورین هانسی غمین اظهار
نه ظلمیلر اول شاهه ائدوب لشگر کفار
آت چاپدیله نعشینده اونون فرقه اشرار
فریاده گلوب کونیله امکان بو عزاده
.
.
فریاد او زماندان که او بانوی مدینه
تاپدی شه دین پیکرینی نازلی سکینه
عرض ائتدی بابا لطف ائله بو زار و حزینه
قویما چوخ اولوم دیده سی گریان بو عزاده
.
.
یوخ گورمگه امید سنی بیرده دوباره
آل ای شه لب تشنه منی بیرجه کناره
گر اولمیا بو لطف من بی کس و زاره
اشکیم یری وار ایلیه طوفان بو عزاده
.
.
آچدی او زمان قوللارینی شاه شهیدان
اول طفل لب عطشانی باسوب باغرینه چون جان
آیردیله آخر اونی نه حالیله عدوان
شامه کیمی گئتدی او پریشان بو عزاده
.
.
تا واردی نفس جاری ائدر اشکینی گوزدن
خالی ائلمز گوز یاشینی روز و شب اوزدن
«دلریش» تمنا ائدیری عجزیله سیزدن
آغلار گوزیله سینه سوزان بو عزاده
.
.
#سبک_ای_باد_صبا … 7 سبک
.
.
#فاطمیه_شهادت
#ای_شیعه_ائدون_ناله_و_افغان_بو_عزاده
#ترکی
.
✍️ #زبدةالاشعار ✍️
.
🆔: @nohe_torki
نظر دهید