زبدةالاشعار

گلمه آتام هجرینده چوخ افغانه زینب

زبانحال امام حسن مجتبی (ع) به حضرت زینب (س) در شهادت حضرت علی (ع)

ـ
ـ
✍️ زبدة الاشعار ✍️

?: @nohe_torki
ـ
ـ
مرحوم محمد حسن تابع دین (تابع تبریزی)

گلمه آتام هجرینده چوخ افغانه زینب
دوندرمه اشک چشمیوی القانه زینب
ـ
ـ
ساخلا باجی بو گوز یاشون کربو بلایه
عهدون یتیر اول دشتیده پایانه زینب
ـ
ـ
اوخشاتما گوزده گوز یاشون ابر بهاره
سن آغلاسان غم یوز وئرر من دلفکاره
پوزما وقارون جانیمه سالما شراره
حسرتله توکمه گوز یاشون دامانه زینب
ـ
ـ
صبرون آزاتما ای باجی گلمه نوایه
ای غم کشیده آگه اول هر ماجرایه
بیر گون گئچر قارداشیوون باشی جدایه
کهف آیه سین تفسیر ائدر دونانه زینب
ـ
ـ
گر چه آتام جان اوسته دی مجروح و خسته
آلام دیز اوسته باشینی من دلشکسته
اما حسین باشی اولار مهمان کول اوسته
خولی عجب حرمت ائدر مهمانه زینب
ـ
ـ
گیرم آتام باشیندا وار کاری جراحت
شیر خدایه ایلوری آرتوخ اذیت
اما حسینون بیر یری قالماز سلامت
آغلار آنام اول پیکر عریانه زینب
ـ
ـ
اؤز رختخوابینده یاتوب شاه ولایت
دور و برینده شیعه لر ایلولَّه خدمت
اما سوسوز قارداشیوا اهل ضلالت
بیر ظلم ائدر زهرا گلر افغانه زینب
ـ
ـ
بجدل کسر انگشتینی انگشتر اوسته
بیر کشمکش ایلر باجی بند زر اوسته
سنده ائدرسن کشمکش بیر معجر اوسته
کاشانۀ صبرون گئدر تالانه زینب
ـ
ـ
دگمیش آتاوون باشینه بیر کاری یاره
اما حسینون یاره سی گلمز شماره
بیر کس تاپولماز جسمینی قویسون مزاره
اولماز کفن اول پیکر عریانه زینب
ـ
ـ
دشت بلاده جان وئرر قارداشیم عطشان
اوچ گون قالار جسمی باجی بی غسل و عریان
اوچ گون گچر قبره قویار سجّاد نالان
گوز یاشینی تبدیل ائدر آلقانه زینب
ـ
ـ
قارداشیمون قبری قویار دنیانی حیران
حسرت چکللَّه شأنینه فردوس و رضوان
هم «تابع دین» شیعه لر ایله لَّر افغان
بیر چاره اولسون آتش هجرانه زینب
ـ
ـ
#

ـ
ـ
#_شهادت #
#
#
#

✍️ # ✍️

?: @nohe_torki

نظر دهید

دسته بندی درختی