راز و نیاز حضرت امام مظلوم (ع) در قتلگاه
..
..
مرحوم شوری تبریزی
..
..
ایتدوقوم او روز الستده
عهدیمه خدا ایلدیم وفا
دوغرانوب تماماً کومکلریم
یالقوزام اوزوم تشنه ای خدا
..
..
مقصدیم منیم سن سن ای خدا
ماسوانی گور باشدان آتمشام
هم اوغول قانین هم جوانلارین
قانینی بو قانیمه قاتمشام
تشنه لب یارالار سیزیلتسی
ایستی قوملار اوستونده یاتمشام
بیر نفر کومک قالمیوب منیم
دوره می آلوب لشگر جفا
..
..
وعده ویرمیشم ایلیم فدا
بیر به بیر جوانان هاشمی
دوندروب بولورسن فدالریم
بو گوزومده کی قانه یاشمی
زینبیم باخور ایستوری کسه
تشنه لب منیم شمر باشمی
نوشیدور بو ئولماق حبیب من
ویرمشم ازلدن بونا رضا
..
..
هر قدر بلا یوز ویروب منه
چون سنون یولوندا دایانمشام
اکبریم یارالی ویرنده جان
او سیزیلدیوب منده یانمشام
قانینه بالامون حبیب من
باغریما باساندا بویانمشام
گون ایوینده باشدان باشا یارا
جان ویروب بالام من باخا باخا
..
..
ویردیلر سوسوز جان کومکلریم
قالمیوبدی بیر یار و یاوریم
نه حبیب و نه مسلم و وهب
نه بریر نه عون و جعفریم
اود دوتوب یانوب سود امر بالام
قالمیوبدی بیر یار و یاوریم
ال ایاق چالوردی ویرنده جان
اللریمده قالدی یانا یانا
..
..
سن اؤزون بولورسن که ای خدا
نَقَدَر منه یوز ویروبدی غم
قارداشیم ابالفضلین اللرین
دشمن ایلین وقتیده قلم
سهلیدور اولوب قولاری قلم
مشگی اوخلانوبدور یاتوب علم
دیزلریم ئولوبدور سنوب بلیم
سسلینده ادرکنی یا اخا
..
..
چوخ حسینی یاندوردی قاسمون
طوی لباسینی ایتدیلر کفن
جان ویرنده سسلردی گل عمو
آتلارین ایاقینده قویما سن
ای خدا منیم باغریم اولدی قان
پاره پاره جسمین گورنده من
باغریما باسوب گل جنازه سین
وردیم اولدی ایوای بالا بالا
..
..
بیر طرفده گورّم خدا یاتوب
قان ایچینده یکسر کومکلریم
العطش دیور خوردا قزلاریم
آغلوری سیزیلدیر حرملریم
بیر ایچیم سووا حسرتم اوزوم
اود دوتوب یانوبدور جگرلریم
عهدیمیز بودور تشنه جان ویرم
ایلیم بو جانی سنه فدا
..
..
هر قدر بلا گلسه جانیمه
ایتمرم گله یوخدی بیر سوزوم
دؤزموشم تمام مصیبته
من ولی بو درده نجه دوزوم
شمر دون باجیم زینبی ویرور
اؤد دوتوب دلیم چون گورور گوزوم
آز قالور باجیسیز قویا منى
قانینی منیم قانیمه قاتا
..
..
کربلا منیم اولدی قسمتیم
شام و کوفه قسمت بو زینبه
قزلاریم او یولّاردا بولموشم
چوخ ویرولّه زحمت بو زینبه
بالخصوص علیل اوغلومی خدا
ایتمشم وصیّت بو زینبه
اؤز باجیمدی منّت حسیننه
چوخ سویر حسینی او مبتلا
..
..
بو حسینه هر لحظه چنگ ویر
وای حسین دیوب آغلا شوریا
عرض قیل آقا لطف قیل منه
بیت اعظمی بیرده کربلا
یار و یولداشیم هر نه وار گیداخ
کربلا یرینده دوتاخ عزا
قبرینی اؤپوب ایگلیاخ حسین
عطرینی آلوب ایلیاخ نوا
..
..
..
#حسینیه #شوری_تبریزی #ترکی #زبدةالاشعار #حسینیه_شهادت #قتلگاه
نظر دهید