زبانحال امام حسن مجتبی (ع) به حضرت زینب (س) در شهادت حضرت علی (ع)
..
..
..
#سبک_ای_درد_بی_درمانلارا … 10 سبک …
..
#سبک_یا_فاطمه_من_عقده_دل_وا_نکردم
واگیر : ((ئولدی عدالت الله اکبر … فریاده گلدی غملی اورکلر))
..
#سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم :
واگیر : ((ناله ائدیر ارض و سما … عالم اولوب ماتمسرا … مظلوم آتام وای )
..
..
مرحوم محمد حسن تابع دین (تابع تبریزی)
..
..
..
گلمه آتام هجرینده چوخ افغانه زینب
دوندرمه اشک چشمیوی القانه زینب
..
..
..
ساخلا باجی بو گوز یاشون کربو بلایه
عهدون یتیر اول دشتیده پایانه زینب
..
..
..
اوخشاتما گوزده گوز یاشون ابر بهاره
سن آغلاسان غم یوز وئرر من دلفکاره
پوزما وقارون جانیمه سالما شراره
حسرتله توکمه گوز یاشون دامانه زینب
..
..
..
صبرون آزاتما ای باجی گلمه نوایه
ای غم کشیده آگه اول هر ماجرایه
بیر گون گئچر قارداشیوون باشی جدایه
کهف آیه سین تفسیر ائدر دونانه زینب
..
..
..
گر چه آتام جان اوسته دی مجروح و خسته
آلام دیز اوسته باشینی من دلشکسته
اما حسین باشی اولار مهمان کول اوسته
خولی عجب حرمت ائدر مهمانه زینب
..
..
..
گیرم آتام باشیندا وار کاری جراحت
شیر خدایه ایلوری آرتوخ اذیت
اما حسینون بیر یری قالماز سلامت
آغلار آنام اول پیکر عریانه زینب
..
..
..
اؤز رختخوابینده یاتوب شاه ولایت
دور و برینده شیعه لر ایلولَّه خدمت
اما سوسوز قارداشیوا اهل ضلالت
بیر ظلم ائدر زهرا گلر افغانه زینب
..
..
..
بجدل کسر انگشتینی انگشتر اوسته
بیر کشمکش ایلر باجی بند زر اوسته
سنده ائدرسن کشمکش بیر معجر اوسته
کاشانۀ صبرون گئدر تالانه زینب
..
..
..
دگمیش آتاوون باشینه بیر کاری یاره
اما حسینون یاره سی گلمز شماره
بیر کس تاپولماز جسمینی قویسون مزاره
اولماز کفن اول پیکر عریانه زینب
..
..
..
دشت بلاده جان وئرر قارداشیم عطشان
اوچ گون قالار جسمی باجی بی غسل و عریان
اوچ گون گچر قبره قویار سجّاد نالان
گوز یاشینی تبدیل ائدر آلقانه زینب
..
..
..
قارداشیمون قبری قویار دنیانی حیران
حسرت چکللَّه شأنینه فردوس و رضوان
هم «تابع دین» شیعه لر ایله لَّر افغان
بیر چاره اولسون آتش هجرانه زینب
..
..
..
..
#حیدریه_شهادت #حیدریه
#گلمه_آتام_هجرینده_چوخ_افغانه_زینب
#تابع_دین
#ترکی
#زبدةالاشعار
نظر دهید