شهادت حضرت زهرا سلام الله علیها
.
.
#سبک ها
#سبک_ای_درد_بی_درمانلارا
.
#سبک_یا_فاطمه_من_عقده_دل_وا_نکردم
واگیر برای این سبک :
قربانون اولّام (4)
.
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک :
زینب بو ظلمه آغلیار
بو غمده سینه داغلیار
ایوای آنام وای …
.
.
.
.
مرحوم غمناک تبریزی
.
.
جان ای آنا گلموم نجه فریاده سنسیز
هرگز منیم گولمز یوزوم دنیاده سنسیز
.
.
شاد اولمادون هرگز غم و محنت الیندن
چکدون نلر بو بی وفا امت الیندن
منده بو گون بو حسرت و ذلت الیندن
قان آغلارام ساللام غمون چون یاده سنسیز
.
.
قویدی منی یاخشی گونه دور زمانه
قالدیم یتیم الودوم غم و درده نشانه
سنسیز بو گون آهیم چخار نُه آسمانه
کیم رحم ائدر آخر من ناشاده سنسیز
.
.
ایوای منیم یالقوز قالان بیچاره جانیم
سندن صورا یانسون گرک اودلاره جانیم
بیر لحظه اولمام شاد اولور آواره جانیم
جانیم دوشر هر محنت و بیداده سنسیز
.
.
ای زهرۀ زهرا باتوب قویدون منی زار
اولدی ایشیق گوندوزم نه سنسیز شب تار
قالدوم قرا گونده آنا بی مونس و یار
افغان ائدوب همواره گلَّم داده سنسیز
.
.
نه تک منیم بو غم ائدوب حالیمی برهم
آغلار وورار باشه بو گون حوّا و مریم
کعبه گیوب قاره اولوب طاق حرم خم
حیران قالوبدور هاجر و ساراده سنسیز
.
.
باغریم اولوب قان ایلرم خون جگر نوش
یالقوز قالوب جانیم اولوب در غمه توش
ای نور حق اولدون بو گون چون شمع خاموش
پروانه تک قالدوق شب یلداده سنسیز
.
.
چارَم ندور هئچ کیم منیم دردیمی بُلمز
دردمی گئچوبدور حدّیدن تقریره گلمز
سندنصورا هرگز یوزوم دنیاده گولمز
گَلمز ملال و محنتیم تعداده سنسیز
.
.
بُلَّم اوزوم باشه گلن درد و بلانی
بیر اود آنا بو ائوده کیم یاندوردی ثانی
شعله چکوب آخر دوتار کرب و بلانی
چولقار بیزی ظلمیله اول صحراده سنسیز
.
.
چکسون حسینون کیم آنا بیر بیله نازین؟
جان تک باساردون سینه وه سویلردی رازین
شمر لعین تشنه کسر آخر بوغازین
باشین وورالار نیزۀ فولاده سنسیز
.
.
یا فاطمه ای میوۀ قلب پیمبر
آخر سیزون غمناکوزم کَالشَّمس اظهر
ال چکمرم سندن بُلورسن روز محشر
گئچمز صراطی بیر نفر عقباده سنسیز
.
.
.
.
#فاطمیه_شهادت
#جان_ای_آنا_گلموم_نجه_فریاده_سن_سیز
#غمناک_تبریزی
#ترکی #فاطمیه
#زبدةالاشعار
نظر دهید