زبانحال حضرت زینب (س) در کوچ از کربلا
…
حاج یحیی فغانی تبریزی
…
حسین ای مظهر عزت سراپا عزت و شوکت
حسین ای آیت رحمت وجودون علّت خلقت
سن ای تندیس رحمانی نمودِ رحمت مطلق
جلال کبریائی دن اولان ای جلوه سی مشتق
جمادات و نباتاته یئر اوسته حجت بر حق
اولوبسان آب و آتش خاک و باده سن ولی نعمت
اولان ای آفرینش دن غرض خلّاق یکتایه
خدا زینت وئروب سنله هامی دنیا و عقبایه
حقیقی شاخ طوباسن که سالدون عالمه سایه
بو ظلّ رحمته طوبی اولان ای مصدر رحمت
سن ای برج جلالتده فروغ نیّر تابان
سن ای چرخ ولایتده ولیّ حضرت جانان
بو شأن و عزّت و جاهه قالوبدور انبیا حیران
آپاردون گوی همّتله بو میدان ایچره سن سبقت
قلم عاجزدی وصفونده سنون چون سر کاف و نون
جلالون وصف ایده بالله اولوبدور عقل لر مجنون
کنایتده تناسب یوخ حدود لفظدن بیرون
اودور آخر تاپوب یکسر سخنورلر دیلی لکنت
سریر فخر و عزّتده شه ناسوتیان سنسن
امام و مقتدای بر حق لاهوتیان سنسن
نماز عشقده قبله گهِ کرّوبیان سنسن
اولار مقبول درگاه خدا سن ایلین طاعت
سن ای مشکاة نورانی زجاج آسمان آسا
جمالون کوکب درّی چو مصباح فلک پیما
نه شرقی سن نه غربی سن هدایت نوری سن گویا
اولوبدور عالم هستی حسینیم محو بو طلعت
مقامون درکی دنیاده فراسوی خیال اولموش
بو اجلالی خدا وئرموش که فوق هر جلال اولموش
کلیم دهر توصیف کمالاتوندا لال اولموش
ایده هر کس سنی تعریف ایدوب اوز قدریجه صحبت
باجون زینب بو وصفونده حصار لفظده محصور
سنون وصفونده الفاظه ایده تکیه اولوب مجبور
ایده تعریف توصیفون دیور بیر کیمسیه مقدور
دیوب بیر قطره دریادن ایدوب هر کیمسنه همت
اولان ای شاخۀ طوبی جهاندا سایه پروردون
گتورموش سنگ خارانی غم و اندوهه بو دردون
سالوبدور حیرته قارداش جهان اهلین عمل کردون
کسوبلر باشوی تشنه ایدوبلر گوینگون غارت
رحیق و کوثر و تسنیم لب عطشانیوه تشنه
فرات و دجله و کارون لب خندانیوه تشنه
اولوبدور گرگ بو صحرا اگر چه قانیوه تشنه
بو چولده شمر بی پروا باجوندان سلب ایدوب طاقت
محیط کربلا یکسر نشاندور ربّ العزّتدن
بو خلوتگاه وحدتده خبر یوخدور منیّتدن
دونن بیر سجده قان ایچره ایدوبسن سن او ساعتدن
بو قانلی قتلگاه ایچره تاپوب معنی عبودیّت
اولان ای رتبۀ اعلایه لطف حقّدن دارا
خداوند جهان آرا ایدوب ممتاز و بی همتا
یماق توپراقی عصیاندور وَلو کیم تربت طاها
ولی یُمن وجودوندان شفادور قانلی بو تربت
اگر چه چرخ ایدوب دلخون مصیبتدن بو نالانی
گلایه ائتمرم قارداش ره جاناندا بیر آنی
تجلّی ایلوری گوزده فقط الطاف سبحانی
اودور کیم زینبین صبری ایدر صبری بو گون خجلت
دم جان بخش و پر فیض مسیح آسای زینبدن
امیدیم وار #فغانی نه نماز نیمۀ شبدن
ولایت سیز امید اومما داخی العفو و یا ربدن
رضای حقّیله مقرون اولوبدور حبّ بو عترت
#کوچ_کربلا
#حسین_ای_مظهر_عزت_سراپا_عزت_و_شوکت
#فغانی_تبریزی
#ترکی
نظر دهید