ساقی گتور پیاله مهِ انجمن گلور #حسنیه_بابک_اردبیلی

مدح و میلادیه حضرت امام حسن مجتبی علیه السلام
.
✍️ زبدة الاشعار ✍️
.
🆔: @nohe_torki
.
حاج افشین بابک اردبیلی
.
ساقی گتور پیاله مهِ انجمن گلور
بزم وصاله دلبرِ سیمین بدن گلور
.
فوج فرشته دور کی اَنور بیت حیدره
جبریل الینده یاس گلور یاسمن گلور
.
باد صبا بشارت آپاردی پیمبره
زهرانون ایلکی اوغلی امام حسن گلور
.
جناتین عطریدور کی دولوب شهر یثربه
گلزار دینه لاله گلور نسترن گلور
.
اِیله گوزلدی صورتی،شوق زیارته
الده کلافی یوسف گل پیرهن گلور
.
موسی چاتوب تَشَرُّفه حُسنِ حَسَن گوره
مَأیوس اولوبدی چونکه جوابینده لَن گلور
.
یوخدور نمونه سی بو گولون باغ عدنیده
طوبای گلشنِ شهِ خیبر شکن گلور
.
زهرا آناسی شوقیله لایلای چالور اونا
گاهی گیدور کناره او دم بوالحسن گلور
.
باشدان ایاقه جدّینه بنذر بو نازنین
مُلک حجازه آهوی مُلک خُتن گلور
.
بابک توسل ائت حسنه یا حسین دئنن
محشرده دادیوه شهِ گلگون کفن گلور
.
.
#حسنیه_میلادیه
#ساقی_گتور_پیاله_مه_انجمن_گلور
#ترکی
.
✍️ #زبدةالاشعار ✍️
.
🆔: @nohe_torki