زبدةالاشعار

دوشوب خیاله بلا دشتی طاهرات عطشی #اصغریه_سعدی_زمان

احوالات شاهزاده جناب علی اصغر (ع)
.
✍️ #زبدةالاشعار ✍️
.
🆔: @nohe_torki
.
مرحوم سعدی زمان
.
دوشوب خیاله بلا دشتی طاهرات عطشی
بالالارون آنائیله سو اوسته کشمکشی
.
معاینه گورورم فاطمیّه قیزلاری من
سو جامی الده دیور العطش ایدور شیون
.
ولیک اصغرین احوالی تاب دلدن آلور
رباب الّلری اوسته بالیق کیمی چابالور
.
سالوب بوش امجگینه سودامر بالانی رباب
ایله سیزیلدیری گویا یانور اود اوسته کباب
.
آنا گورور بالا غش ایتدی گل گیمی سولدی
دیور علاج ایله یارب بالام کباب اولدی
.
ترحم ایله الهی بالامدا یاندی اؤزیمده
اول انتقام گواهی بالامدایاندی اؤزیمده
.
سو یوخدی خیمه ده اوچ گوندی باغلیوبلا فراتی
بو شام و کوفه سپاهی بالامدا یاندی اؤزیمده
.
اوزوم آجام سوسوزام امجگیمده سوددن اثر یوخ
گلوب گوزیمه سیاهی بالامدا یاندی اؤزیمده
.
باتوب سسی او قدر آغلیوب دوشوبدی نفسدن
ندور بو طفل گناهی بالامدا یاندی اؤزیمده
.
هارا گیدوم کیمه اوز دردیمی دیوم اولا یارب
بو بخت قاره پناهی بالامدا یاندی اؤزیمده
.
ایله خزان گلی تک اصغریم سولوب سارالوبدور
ایدوب خجل یوزی کاهی بالامدا یاندی اؤزیمده
.
بوش امجگه سالورام بلکه بیر قَدَر دوتا آرام
آلور قراریمی آهی بالامدا یاندی اؤزیمده
.
بونون یوزی الی قانلو منیمده قانلودو سینم
تاپا محال رفاهی بالامدا یاندی اؤزیمده
.
بالیق کیمی چابالور گاه غشّ ایدور یانور آغلور
خراش سینه می گاهی بالامدا یاندی اؤزیمده
.
چالور اوزین یره یردن گورن دیر که دوشوبدور
سودان کناره بو ماهی بالامدا یاندی اؤزیمده
.
خجالتم سودان امّا اورکده کی غم و سوزش
قویوب گوزیمده میاهی بالامدا یاقدی اؤزیمده
.
دولاندورور بالاجا گوزلرین باخور منه ایلور
خجالتیمی گواهی بالامدا یاندی اؤزیمده
.
گوزین آچاندا باخاندا کباب ایلوری الله
منی بو طرز نگاهی بالامدا یاندی اؤزیمده
.
دیل آنلامور دیوم آز آغلا تا بیر آز یاتا راحت
سینمده خواهی نخواهی بالامدا یاندی اؤزیمده
.
سوسوزدی آجدی سودیم یوخ ویرم بونا دلی یوخدور
دیه سوزینی شفاهی بالامدا یاندی اؤزیمده
.
دوشوب گوزی دَورانه یاخوندی ئولسون عطشدن
اوجالدان انجم و ماهی بالامدا یاندی اؤزیمده
.
یوزیمه حسرتیله گه باخور اورکلنور آغلور
پوزور حرایم شاهی بالا مدایاندی اؤزیمده
.
گنه نه سوزدی دلون یانماسون نه دلدی حسینی
ترحم ایله الهی بالامدا یاندی اؤزیمده
.
عمل صحیفه وی دوتموشدی لوث معصیت اولدی
مطهّرات مناهی بالامدا یاندی اؤزیمده
.
.
#اصغریه_سعدی_زمان
#اصغریه_شهادت
#کنزالحسینی2 ص 40 (کلیات ص 280)
#دوشوب_خیاله_بلا_دشتی_طاهرات_عطشی
#ترحم_ایله_الهی_بالامدا_یاندی_اؤزیمده
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای ساقی کوثر مولا مولا #حیدریه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی