احوالات حضرت علی (ع) و #گریز به شام غریبان امام حسین (ع)
✍️ زبدة الاشعار ✍️
?: @nohe_torki
علیرضا عباسی (احسان تبریزی )
دگدی ضربت ایله کی فاتح خیبر باشنا
قدسیان گویده ووروب حولیله یکسر باشنا
تیتردی ارض و سما نظم عوالم قاریشیب
بحر و بر دوتدی عزا ساقی کوثر باشنا
سسلدی قتل العلی روح الامین دیده سی تر
ایشیدیب کیم بو سسی قوزانوب اللر باشنا
انبیا اولدی سراسیمه قویوب کوفیه اوز
هامیدان ووردی اول ختم پیمبر باشنا
وای عم اوغلوم دیدی زهرا اَلَدی گوز یاشینی
جمع اولوب آسیه و مریم و هاجر باشنا
بیر بیره حور و ملک دگدی قوپوب شیون وشین
آغلادی کون و مکان یکسره حیدر باشنا
یاریلوب باشی علینون قان آخیب رخساره
قویمادی اللرینی شاه دلاور باشنا
خدّ و خال اسداللهه آخوب ثار الله
چکدی شقّ القمرین نقشینی خنجر باشنا
سجده دن قالخیزا بیلمیبدی باشین رکن نماز
قانلی سجّاده اولوب بستر او سرور باشنا
یتیریبدی حسنین آلدیلار آغوشه اونی
باخوب آغلاردی ایکی غملی برادر باشنا
بیر گلیم اوسته امامی گوتوروب نچه نفر
ایوده درمان قویولا شافع محشر باشنا
یتیریبلر آقانی منزلینه زار و ملول
جمع اولوبدی بالالار زار و مکدر باشنا
ام کلثومیله زینب نه حالا قالدی او دم
مثل پروانه دولاندی ایکی دختر باشنا
زینب اوخشاردی دیردی بابا یانّام یاراوا
ام کلثوم دییب نوحه ی دیگر باشنا
آچ گوزون یاتما اویان آی منیم آخر قوناقیم
آغلادی باخدوقیجا قانیله احمر باشنا
باغلادی شیر خدانین یاراسین هاشمیان
کسیلیب قان ولی قان آغلادی گوزلر باشنا
زهرداریدی زبس قاتلینین شمشیری
زهر اثر ایتمیشدی حجت داور باشنا
بیر طبیبی گتیریبلر یاراسین گوردی دیدی
چاره یوخ دهریده بو خلقته مفخر باشنا
در گوشی حسنه بو سوزی تا ایتدی بیان
مطلبی بیلدی ووروب آل پیمبر باشنا
ایتدی نومید طبیبین سوزی آل اللهی
باخدی حسرتله هامی حیدر وصفدر باشنا
آچدی عین اللهی زحمتله اودم شاه ولا
جمعیدی ایوده گوروب اکبر واصغر باشنا
صبره دعوت ایلدی خرد وکباری دانشیب
صبریدی هر بشرین دهریده افسر باشنا
ما حصل قیلدی وصیت شه اقلیم سخن
یغیشیب آل عبا میر سخنور باشنا
ایلدی ختم کلامین دیدی انا لِله
دیللرین ووردی بو سوز فرض ایله نشتر باشنا
شمع امید سونوب یاندی ولی شمع عزا
غملی پروانه لری یاندی ووروب پر باشنا
یومدی گوز غملر الیندن قوتاریب میر هدا
کول بو غمدن النوب چرخ مدور باشنا
حسنین قویدی وصیتلرینی اجرایه
غسل اولوب ناله ایدیب زمزم وکوثر باشنا
یری وار بوردا حسینون غمینی یاد ایلیم
نه بلا گلدی گوراخ حیدره مظهر باشنا
سوز قطارین چکورم کربوبلا دشتینه من
چوخ جفا ایتدی حسینون نچه کافر باشنا
بیری داش ووردی او باشه بیری شمشیر ووروب
اون ایکی ضربه ووروب شمر بد اختر باشنا
اون ایکی ضربتیله تندن آییردی او باشی
چوخ اذّیت ایلدی شمر ستمگر باشنا
گوتوروب ووردب سنانه او باشی پست سنان
حقی اعلان ایله سین نیزه دی منبر باشنا
نیزه ده کاش قالا دوشمیه خولی الینه
ایتمیه کوللرون اوستین اودا بستر باشنا
آپاروب خولی ولی قویدی تنور ایچره اونی
تاپولوب دشمن ایوینده ولی یاور باشنا
عدنیدن مریم و سارا دی گلن دیداره
کول سپیر هاجر و حواده مکرر باشنا
هامودان چوخ ولی زهرا آناسین یاندیردی
اوخشاما قوشدی او دم غصه لی مادر باشنا
دیدی وای سینه گولوم یاتما کول اوستونده اویان
یاره لی سینه می ایت بالش بهتر باشنا
گل دیله منله دانش ایریلیقین یوردی منی
نچه ایلدن صورا تاپدیم کولون اوستنده سنی
آیریلاندان وطنیندن هارا گیتدین واریدیم
نجه گلدین نجه قتله بالا یتدین واریدیم
هادان اوچدون هارا قوش مثلی قوناندا واریدیم
خیمه گاهین او چوخور یرده قوراندا واریدیم
گلشنین سوز عطشدن سارالاندا واریدیم
تشنه لبلر سو فراقینده سولاندا واریدیم
صرصر ظلم فرات اوسته اسنده واریدیم
قولارین قارداشوون خصم کسنده واریدیم
صاق صولا مرکبین اوسته آخیناندا واریدیم
تپراق اوسته یوزی اوسته یخلاندا واریدیم
اکبرین دیلده سلامی اوجالاندا واریدیم
إ شیدیب سنده صداسین قوجالاندا واریدیم
اصغرین حنجرین اوخ اوچ یره بیچدی واریدیم
سو یرینه او بالا قانینی ایچدی واریم
آیریلان وقته خیمدن گوروشنده واریدیم
قیزلاروندان یانا یانه اوپوشنده واریدیم
قلب مید انیده یالقیز دایاناندا واریدیم
سجده گاهین داشیلا ن پارچالاناندا واریدیم
اوچ پر اوخ قدیوی میداندا بوکنده واریدیم
سینوی هم کوره گین تیر سوکنده واریدیم
خاک وخونه دوشوب اتدان بوروننده واریدیم
خیمه گاهه ساری اوغلوم سوروننده واریدیم
دین ایوین شمر جفاکار یخاندا واریدیم
یارالی سینوین اوسته او چخاندا واریدیم
ذبح ایدنده باشیوی دالدان او ظالم واریدیم
دوتولوب گون قاریشان لحظه عوالم واریدیم
آتلارون نعلین عوض دشمن ایدنده واریدیم
سینوی سم خیول خرد ایلینده واریدیم
ساربان نیت شومیله گلنده واریدیم
او دنی اللریوی قطع ایلینده واریدیم
باشیوی خولی گتیردی اونی تعقیب ایلدیم
کربلادن بوراجاق یولارا قان یاش اَلدیم
چوخ چتین مطلبه #احسان سن اشاره ایلدین
بلکه بو سوزلریله دردیوه چاره ایلدین
#دگدی_ضربت_ایله_کی_فاتح_خیبر_باشنا
✍️ #زبدةالاشعار ✍️
?: @nohe_torki
نظر دهید