ورود محرم
.
✍️ زبدة الاشعار ✍️
?: @nohe_torki
.
کریم نصیری مرندی
.
عزای شاه شهیدانه قالدی بیر نچه گون
بو عالم اولسون عزاخانه قالدی بیرنچه گون
.
قرا علملر اسوب شوره عالمی گتوره
غبار غم یاغا هریانه قالدی بیرنچه گون
.
ملکلر عرشیدن اول قانلی کوینگی آسالار
مصیبتی سالا اوت جانه قالدی بیرنچه گون
.
حسینچیلر گئیونوب قاره یاحسین دئیه لر
سرشک لر آخا دامانه قالدی بیرنچه گون
.
وقار و عزّیله سلطان نینوا یتوره
الست عهدینی پایانه قالدی بیرنچه گون
.
حسین او فُلک نجات و هدایتون چراغی
روان اولا دل طوفانه قالدی بیرنچه گون
.
یولون کسنلره سو پایلیا کرامتیلن
اوزی سوسوز باتا القانه قالدی بیرنچه گون
دیار کرب و بلامین منایه ناز ایلیه
شرفده فخرایده رضوانه قالدی بیرنچه گون
.
عزیز فاطمه بیر موکب مُجلّلیلن
نزول ایده او بیابانه قالدی بیرنچه گون
.
او شوره زار یری مقدم مبارکیلن
ایده جهانه شفاخانه قالدی بیرنچه گون
.
خیام عترت اطهار نصب اولا او چوله
اِجالتاً اولا کاشانه قالدی بیرنچه گون
.
او گللری که حسین بسلیوب محبتیلن
خزان گله او گلستانه قالدی بیرنچه گون
.
حسینه نامه یازانلار سویولّارین کسه لر
شرر یاغا گل و ریحانه قالدی بیرنچه گون
.
بیر عده عاشق سرمست و سرفراز و صدیق
حسینیلن اولا همخانه قالدی بیرنچه گون
.
او کاروانه قوشا زینب اوز اوشاقلارینی
فدا ویره شه خوبانه قالدی بیرنچه گون
.
حبیبی دعوت ایده دشت کربلای امام
کرامت ایلیه مهمانه قالدی بیرنچه گون
.
گیجیله خارج اولا کوفه دن وفالی حبیب
بوسرّی بولمویه بیگانه قالدی بیرنچه گون
.
او آغ محاسینینه قان یاخا حنا یرینه
سوسوز فدا اولا قرآنه قالدی بیرنچه گون
.
ادبله حرّ ریاحی توتا حسین اَتگین
چاتا گوزل سر ودسامانه قالدی بیرنچه گون
.
دئیه آقا سنی ویرّم آنان بتوله قسم
عنایت ایله بو نالانه قالدی بیرنچه گون
.
زُهیر و شوذب و مسلمله فضل و جعفر و عون
باتوب قانا چاتا جانانه قالدی بیرنچه گون
.
حسین منایه روانه ایده فدالرینی
جنازه لردوشه یان یانه قالدی بیرنچه گون
.
عباده اکبرینون نعشی خیمه گاهه گله
باجیلاری گله افغانه قالدی بیرنچه گون
.
شهادته یته عشقیله قاسم ابن حسن
جلاویره قانی میدانه قالدی بیرنچه گون
.
کنار نهریده سقا سوسوز قانا بویانا
وجودی توش اولا پیکانه قالدی بیرنچه گون
.
سو مشکینه دَئیَن اوخ قان ایده رباب اورگین
الی یتیشمیه درمانه قالدی بیرنچه گون
.
سه شعبه تیریله اصغر بوغازی پارچالانا
آغ اُنّوگی دونه الوانه قالدی بیرنچه گون
.
حسین یارالی وجودیله مقتله یخیلا
ویریلمیه سو او قربانه قالدی بیرنچه گون
.
آناسی فاطمه معناده سسلیه وای اوغول
فدا بو پیکر شان شانه قالدی بیر نچه گون
.
حسن نشانه سی عبدالهین قولی کسیله
قانا بلشسون او دُردانه قالدی بیرنچه گون
.
او خیمه لر که ابوالفضل الیله نسب اولونار
جفائیلن گیده تالانه قالدی بیر نچه گون
.
نه خیمه ده قالا گهواره نه ربابه اوغول
بیر اوخ ایوین ایده ویرانه قالدی بیرنچه گون
.
خیامه اوت وورالار چوللره قاچا بالالار
آلولانا گل و پروانه قالدی بیرنچه گون
.
رقیه نون اتگی خیمه لریاناندا یانا
غم اوز ویره او پریشانه قالدی بیرنچه گون
.
علیّ اکبر آلان گوشواره سین آلالار
دچار اولا غم هجرانه قالدی بیرنچه گون
.
یانان چادر قورولا نهر علقم اوستونده
او غملی شام غریبانه قالدی بیر نچه گون
.
نصیری مطلع شعری دوباره ایله رقم
عزای شاه شهیدانه قالدی بیرنچه گون
.
#ورود_محرم
#عزای_شاه_شهیدانه_قالدی_بیر_نچه_گون
#کریم_نصیری
#ترکی
.
✍️ #زبدةالاشعار ✍️
?: @nohe_torki
نظر دهید