ورود ماه محرم
.
✍️ زبدة الاشعار ✍️
?: @nohe_torki
.
مژده اردبیلی
.
#سبک_آچیلدی_پرچم ( بیش از 10سبک)
.
مه محرم مه عزادی
حسینچی بزم عزایه گلسین
قرا گئینسین حسینه خاطر
صفای دیلدن نوایه گلسین
.
.
نچونکه باتمیش بوآیدا قانه
شهید عشق و عزیز خاتم
حسینه خاطر فنا جهاندا
قورولدی بزم ملال وماتم
دیولدی نوحه صفای دیلدن
توکولدی قان یاش یوزه دمادم
اولوندی کیمدن بو آیدا دعوت
که بزم عشق و صفایه گلسین
.
.
سنون که دشت بلاگوزونده
به عشق مولا مجسم اولدی
حسینچی قارداش گل آغلا قان یاش
واروندی دردون ئورکده تز گل
که راه چاره فراهم اولدی
طبیب حاذق مریض عشقه
بویوردی دارالشفایه گلسین
.
.
غم و ملالی زیاده اولموش
دیار عشقین صفاسی واردی
گوروبدی کیم لر دیولله یکسر
اویرده دردین دواسی واردی
دیار عشقین محرّم اولجاق
بیر آیری حال و هواسی واردی
اودور دیوللر کیمون وارعشقی
حریم مهر و وفایه گلسین
.
.
گل ایندی سنده حسینه یاس دوت
رضا الوندن آناسی اولسون
عذاره قان یاش توک ایندی گوزدن
که بزم عشقین صفاسی اولسون
الوندن آخربو آغلاماقدا
شهید عشقین رضاسی اولسون
عنایت ائتسین کرامت ائتسین
چتین زماندا هرایه گلسین
.
.
اوقانه باتمیش دیارغمده
حقیقت اوسته مرید عشقه
صفای دیلدن دخیل اولانلار
دئسونله دردین وحید عشقه
یازوبدی (انور) گئچوبدی ایللر
دیار عشقه عزیمت ائتسون
و یاکه بزم عزایه گلسین
.
.
حسینه دیلدن کیم اولدی عاشق
عملده ریب و ریاسی اولماز
اگر ریاسی عملده اولسا
بو بزم عشقین صفاسی اولماز
بوبزم عشقه گئلن کیم اولسا
یقین که نفس خطاسی اولماز
انون که مولا امامی اولدی
سزادی نی تک نوایه گلسین
.
.
گلن جماعت اولوب هدایت
عجین بزم عزا اولوبدی
ائدوب کرامت امام امت
که پای بند وفا اولوبدی
رهین منّت تاپوبدی عزّت
مُحبّ آل عبا اولوبدی
اولوبدی دعوت هر آشنا تک
عزای شمس هدایه گلسین
.
.
حسینه ماتم دوتوبدی خاتم
ملال و غمدن جناندا آغلار
دینده نوحه جناب آدم
سرشک محنت عذاره باغلار
اوغول غمینده بتول اطهر
دمادم آغلار جهانی داغلار
دییر کی یارب یارالی حیدر
سزادی محنت سرایه گلسین
.
.
گل ایندی اوخشا حسینی زینب
ریاض غمده گلوم فغانه
پوزولسون حالیم عذاره غمدن
سرشک محنت ائدیم روانه
نچونکه اوغلوم بلا چولونده
عدالت اوسته باتوبدی قانه
آناسی اولسون فدا حسینه
قاداسی خیرالنسایه گلسین
.
.
ذبیح اعظم اولوب حسینیم
سو وئرمیوبلر شهید عشقه
شهید ائدوبار سوسوز بالاسین
جفا ائدوبلر وحید عشقه
نه که گوروبسن اوچولده زینب
نه ظلم اولوبدی مرید عشقه
سن اوخشا زینب که عبد صالح
قوشولسون آل عبایه گلسین
.
.
بتولین اوغلی غریب ئولوبدی
نلر چکوبدی که سن بیلورسن
بالاسی اصغر باتوبدی قانه
اولوبدی غرق محن بیلورسن
حقیقت اوسته کمک سیز اوغلوم
اولوب غریب وطن بیلورسن
سن اوخشا ایندی عزا دوتانلار
او شاه گلگون قبایه گلسین
.
.
یازوبدی (مژده) زبانحالی
ملال و غمدن فغان ائدوبدی
ائدوبدی همّت غمیله قلبین
اوتیر عشقه نشان ائدوبدی
گوروب مزار حسینی اما
ئورکده چوخ سوز نهان ائدوبدی
مدینه ایستور دعا سن ایله
حضور خیرالورایه گلسین
.
#ورود_محرم
#مه_محرم_مه_عزادی
#مژده_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید