ای منه هر یئرده شریک محن #قاسمیه_معروف_اهری

زبانحال امام (ع)در شهادت حضرت قاسم (ع)
.
.
#سبک_ای_باشی_سرنیزده_معراج_ایدن
.
.
ابوالفضل عباسی معروفان
.
.
ای منه هر یئرده شریک محن
قانه باتوب نوگل باغ حسن
گل باجی گل دادیمه
تئز یئتیش امدادیمه
.
.
.
یاوریمون چهره سی دوتقوندی گل
جنگ ائلیوب خسته دی یورقوندی گل
حالی حسینون ائله پوزقوندی گل
طاقتی یوخدور باجی
یاره سی چوخدور باجی
.
.
.
دشمن الیندن بالامی آلمیشام
دلده نوا خیمیه یول سالمیشام
تازه گلیندن نگران قالمیشام
تازه عروسین گولی
کامه چاتوب سویگولی
.
.
.
کامه چاتوب غصه دن آزاد اولوب
گؤر نه گؤزل سوئملی داماد اولوب
آغلا باجی خانه سی برباد اولوب
باغ حسن سولدی گل
بختی تالان اولدی گل
.
.
.
قارداشیوون قلبینی غملر سئخوب
یاوریمی عرصه ده دشمن یئخوب
اکبریمون دردی یادیمدان چئخوب
وئر خبر عباسیمه
صدمه یئتوب قاسمه
.
.
.
گل باجی بی تاب و توان گلمیشم
الده اون اوچ یاشدا جوان گلمیشم
خیمه لره قدی کمان گلمیشم
قلبیمه داغ ووردیلار
صبر ائویمی یئخدیلار
.
.
.
گؤرسه آناسی سینه سین داغلیار
نوحه دئیوب سینه ووروب آغلیار
کیم بالامون یاره لرین باغلیار
شال عزا باغلیون
قاسمه یاس ساخلیون
.
.
.
#قاسمیه_شهادت
#ای_منه_هر_یئرده_شریک_محن
#معروف_اهری #قاسمیه
#ترکی
#زبدةالاشعار