زبانحال زینب(س) بمادرش در شب عاشورا
.
✍️ زبدة الاشعار ✍️
?: @nohe_torki
.
مرحوم خادم
.
گل بلا صحراسی طوفاندور آنا یا فاطمه
زینبون حالی پریشاندور آنا یا فاطمه
.
بو گیجه دور قبردن گل کربلا صحراسینه
قیل نظر اوغلون حسینون محشر کبراسینه
زینبون سنده شریک اول بو غم عظماسینه
محنت و دردی فراواندور آنا یا فاطمه
.
ظلم الیله باغلیوب سو یولارین قوم جهول
اود دوتوب سوز عطشدن اودلانوب آل رسول
گل بنات طاهراتون گور نجه زار و ملول
دیده گریان سینه سوزاندور آنا یا فاطمه
.
بیر فراتیکه سنه مهر ایلیوب ربّ فرات
آل طاهایه بو صحراده حرام ایلوب عدات
العطش فریاد و داد ایله دولوبدور شش جهات
محشر کبرا نمایاندور آنا یا فاطمه
.
بیر طرفدن دللره سوز عطش سالمیش شرار
بیر طرفدن دوره می محصور ایدوب قوم شرار
تشنه لیقدان گور قالوب نه حالته خورد و کبار
سربسر چون بید لرزاندور آنا یافاطمه
.
سن گورنمزدون حسینون دلده وار بیردم غمی
ایمدی گل گور بیر دمینده مین غم اولموش همدمی
سوز آهی واریری یاندورسا یاخسا عالمی
بلمورم نه دور دوراندور آنا یا فاطمه
.
بیر حسینیکه تاپوب یر گوی وجودیله ثبات
بیر مقامه امرینی منجر ایدوب قوم طغات
ششدر غمده اوزی اما قالوبدور شاه مات
چاره و تدبیر حیراندور آنا یا فاطمه
.
بیر طرفده نوجوانان بنی هاشم تمام
گوزلرینی قان دوتوب قان قان دیور قوم ظلام
بیر طرفده تشنه دور قان توکماقا اشرار شام
شوقمند تیغ برّاندور آنا یا فاطمه
.
تک قویوب اوغلون حسینی بیوفالر گیتدیلر
اولدولار بیگانه بیردن آشنالر گیتدیلر
عشق بازارینده قانی بی بهانه گیتدیلر
بو سببدن باغریمیز قاندور آنا یا فاطمه
.
عرصه نی تنگ ایلیوب از بس حسینه اشقیا
اختیاری الده یوخ باشیندا وار چوخ ماجرا
قتلینه بیل باغلیوب آل امیه گوئیا
انتقام بدره عنواندور آنا یا فاطمه
.
آغلارام یانام باخاندا لیلینون گوز یاشینه
دمبدم پروانه تک دور ایلر اکبر باشینه
ئولمه میش ماتم دوتوب هر باجی اوز قارداشینه
هر طرفده شور و افغاندور آنا یا فاطمه
.
چولقیوب کرببلانی زجّه و شور و نوا
لحن دلسوز و حجازیله دولوبدور نینوا
شورش محشر عیان اولموش بو چولده برملا
قان اولان دللر هراساندور آنا یا فاطمه
.
هر آنا جان تک باسوب آغوشه بیر نورس گلی
هر گُله دمساز اولوبدور بو گیجه اوز بلبلی
یوخدور عباسون آناسی دلده وار چوخ نسگلی
حسرتی وار اشگریزاندور آنا یا فاطمه
.
ایلیوب منظر سریه ماه پاره قاسمی
ایستمز گوزدن قویا بیردم کناره قاسمی
نور بخش ایلوب عیون اشگباره قاسمی
چون اونا شمع شبستاندور آنا یا فاطمه
.
گه سحرگه وضعینی یاد ایلیور فریاد ایدر
اوزگه بیر فکریله گه ناشاد گوگلین شاد ایدر
چون بلور صبح اولسا اوغلون شاه دین داماد ایدر
طوی حناسی بلموری قاندور آنا یا فاطمه
.
بیر طرفده اصغری آغوشینه آلموش رباب
هم اوزی هم شیر خواری تشنه دلده التهاب
هر قدر لای لای دیور ایتسون بالا بیر لحظه خواب
یاتموری از بس چوخ عطشاندور آنا یا فاطمه
.
حسی یوخ هوشه گیدوب ضعف ایلیور آچمور گوزین
آچمیوب دل دل دیسون واضح بیان ایتسون سوزین
گه خراش ایلور ربابین سینه سین گه اوز یوزین
گوئیا مشتاق پیکاندور آنا یا فاطمه
.
حسرتیله ام کلثوم ایلر عباسه نظر
چون بلور صبح اولسا بو صاحب وفا الدن گیدر
نه اوزی بلکه تماما عترت خیرالبشر
دستگیر قوم عدو اندور آنا یا فاطمه
.
#خادمم جدّیم حسینه واردی ناقص خدمتیم
سن بلورسن وار سیزه اصل و نسبده نسبتیم
خلق آرا باعث اودور #خادم اولوبدور شهرتیم
چشم داشتیم سندن احساندور آنا یا فاطمه
.
#سبک_زینبم_جان_اوستیم ( 4سبک)
.
#شب_عاشورا
#گل_بلا_صحراسی_طوفاندور_آنا_یافاطمه
#خادم_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید