زبدةالاشعار

ائدیبدی گول کیمی صد پاره، کیم بو گول بدنی #اکبریه_صراف_تبریزی

کوچ از کربلا
زبانحال ام لیلا در بالین حضرت علی اکبر(ع)
.
✍️ #زبدةالاشعار ✍️
.
🆔: @nohe_torki
.
مرحوم حاج رضا صراف تبریزی
.
ائدیبدی گول کیمی صد پاره، کیم بو گول بدنی؟
بو حالتون گول یاسیم باتیردی یاسه، منی
گول اوزلولر چمنی، ماه رولر انجمنی
آنان ئولیدی علی، گؤرمییدی بئیله سنی
.
.
دئیم جفائیله سیندیردیلار اگر بئلیمی
اوغول، بولور منیم اوغلى ئولن آنا، دیلیمی
بوکر آنا بئلینی نوجوان اوغول ئولیمی
آنان ئولیدی علی، گؤرمییدی بئیله سنی
.
.
منیم بو نشئه ده سن مایۀ وقاریمیدون
قرار بخش دل زار بی قراریمیدون
خانیملقیم سنیلن گئتدی، اعتباریمیدون
آنان ئولیدی علی، گؤرمییدی بئیله سنی
.
.
عزیز عالمیدیم چون سنون عزیزویدوم
بو گونکی گوندن اؤتور دائم اشکریزویدوم
آنان دگولدوم علی، بلکه بیر کنیزویدوم
آنان ئولیدی علی، گؤرمییدی بئیله سنی
.
.
الیم یئتیشمیری بو چولده قوم و قارداشیما
سن آچ گؤزون على باخ بیر بوقانلو گؤز یاشیما
ائویم ییخیلدی، فلک تؤكدی یاخشی کول باشیما
آنان ئولیدی علی، گؤرمییدی بئیله سنی
.
.
نه شور عشق قویار آه و ناله دن اوسانوم
نه گؤز گؤرور کی گؤروم حالتون علاوه یانوم
نه دیز گلور کی دوروم بیرجه باشوا دولانوم
آنان ئولیدی علی، گؤرمییدی بئیله سنی
.
.
او بلبلم کی منیم گلشن و گولوم سنیدون
گلنده صحبته شیرین دیلیم، دیلیم سنیدون
آتا، آنا، باجی، قارداش، هامی ائلیم سنیدون
آنان ئولیدی علی، گؤرمییدی بئیله سنی
.
.
دئیردیم ئؤلسم اگر یوخ غمیم قالام نگران
مزاریم اوسته گلور اکبریم اوخور قرآن
قضا خیالیمون عکسین بو چولده وئردی نشان
آنان ئولیدی علی، گؤرمییدی بئیله سنی
.
.
نئجه آنان اولی قید حیاتیلن بسته
نه شوم بختدور ئولمز بو زار دل خسته
سن ئولموسن علی، من گلمیشم باشون اوسته
آنان ئولیدی علی، گؤرمییدی بئیله سنی
.
.
بو قانلو گؤزلرون آچ بیرجه باخ آنان یوزینه
تاپا تسلّی بو حالتنده بلكه أؤز أؤزینه
گئدوب جوانی الیندن اولوبدو کول گؤزینه
آنان ئولیدی علی، گؤرمییدی بئیله سنی
.
.
بو گونكی گونده نولور کاینات اگر یانالار
منیم بو آهیم اودوندان آلوب اود اودلانالار
جوان اوغوللار اؤلونجه أوله، على آنالار
آنان ئولیدی علی، گؤرمییدی بئیله سنی
.
.
آنانون ئولسه جوان اوغلی هئچ یوزی گولمز
بولور سریّه بونون سرّین أوزگه لر بولمز
تعجبم نئجه لیلا دیری قالوب ئولمز
آنان ئولیدی علی، گؤرمییدی بئیله سنی
.
.
آلوب قلم اله «صرّاف» نوحه ایله رقم
خدا نکرده خطا ایله سن چکلّه قلم
دوباره مطلعی یاز، ایله مقطعه مُنضم
آنان ئولیدی علی، گؤرمییدی بئیله سنی
.
.
.
#اکبریه_صراف_تبریزی
#اکبریه_شهادت
#ائدیبدی_گول_کیمی_صد_پاره_کیم_بو_گول_بدنی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  علی او شمسیدی بیته عمود نور ووروب #حیدریه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی