ماه محرم
.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن … 4 سبک
مشابه
.
حاج ناصر تبسّمی اردبیلی
.
گیدی حسینچیلر قرا
گلدی نوایه نینوا
ماه عزادی باشلانیب
ماتم شاه کربلا
.
.
.
شور سالیبدی عالمه
عشق حسین فاطمه
اهل و عیالی بوشلیوب
شیعه دولیبدیلار غمه
جمله حسینون آدینی
ایلوری دلده زمزمه
فاطمه ده عزا دوتار
ایلده بو موسم عزا
.
.
.
شیعه لره پناه حسین
شاه فرشته جاه حسین
روز معاد بیزلره
قاضی دادگاه حسین
کیم اونا ساخلیوب عزا
اوردا وئرر پناه حسین
ذرّه هراس یوخ بیزه
داده گلر او مقتدا
.
.
.
دوزخ حسینیاندن
شرم ائلیوب اولار خموش
باور ائله بو مطلبه
مال و مناله ویرما جوش
جمع ائله توشه قبروه
اولما آماندی دین فروش
بختور هر کیمون کی وار
سیرت آل مصطفا
.
.
.
زندگی ائمّه دن
درس آلا اهل معرفت
سیرت انبیا تاپار
طالب خیر آخرت
فانی جهانی بوشلیار
عاشق فیض معرفت
خط امامدن تاپار
سیر سلیم اولیا
.
.
.
ترک دیار ایلدی
گور نئجه شهریار دین
فاطمه پروریده سی
مهجۀ ختم مرسلین
خامس پنج تن حسین
ضوء دو چشم مؤمنین
روز معاد شیعه سین
ناردن ایلسون رها
.
.
.
اوّل علیّ اکبرین
پاره قلب مضطرین
اگنینه گیدریب کفن
یولّادی ماه منظرین
گئت دئدی تشنه سن بالا
داغلا بو سینه دفترین
الده سو جامی عدنده
منتظروندی مصطفی
.
.
.
اولسا سو شیر خواریه
آل دوشه اضطرابدن
صبحه جن آغلیوب توان
سلب ائلیوب ربابدن
چوخ نگرانم اکبریم
طفلک دل کبابدن
شرم ائدورم سؤال ائدم
حالینی نیلیوم بالا
.
.
.
قیرخا یوخوندی دیده تر
قیزدی گلیندی خونجگر
اوچ گون اولار سو گورمیوب
هیچ بیری آهو تک مَلَر
گوزلرینه باخانمورم
بعضی دوشوبدی جان بَسَر
اوج ائدور العطش سسی
خیمه لریمدن ای خدا
.
.
.
دشت بلایه عرشیان
سالدی نظر ائدوب فغان
دوره لیوبدی گوردیلر
زینت عدنی کوفیان
اذن جهاد ایستدی
کُلّ ملائک جنان
گلدی ندا خموش اولون
درده رضادی مبتلا
.
.
.
قاره چکیبله لاجرم
اهل بهشت جنّته
فاطمه یومدی گوزلرین
حالی دولاندی رقّته
سویلدی یار اول ای خدا
سن بو گون آل عترته
خیرداجا قیزلاریم یانور
درده گلیبدی ماسوا
.
.
.
من بو حسینی نازیله
دور زماندا بسلدیم
سسلدیم هر زمان آدین
ای گل ناز سسلدیم
خاره اولاندا توش اوزوم
دور و برین هرسلدیم
ایندی نئجه گوروم اونی
تشنه دی بیر ایچیم سوا
.
.
.
دعوت ائدوبله اوغلوی
کرب و بلایه میهمان
ایندی بهانه ایلیوب
بیعتی طاغی زمان
سدّ ائلیوب سو یولّارین
قیزلاریم ایلیور فغان
چوخلاری حالدن گدیب
یوخدی توانی آغلیا
.
.
.
هر ایل او گونکی باشلانار
ماه عزا اورک یانار
اوندا کی شیعه لر غمی
سینه لرینده جوشلانار
شدّت غصّه دن «صفا»
قلب رئوفی اوتلانار
نوحه یازار سرشکیله
مزدین ائله خانم عطا
.
.
.
.
#ورود_محرم #تبسمی
#گیدی_حسینچیلر_قرا_گلدی_نوایه_نینوا
#ترکی
.
✍️ #زبدةالاشعار ✍️
.
🆔: @nohe_torki
نظر دهید