خروج از مدینه
زبانحال حضرت صغرا (س)
.
✍️ #زبدةالاشعار ✍️
.
🆔: @nohe_torki
.
احمدی جوان
.
گل بو سفره گیتمه اماندی علی اکبر
هجرون منه بیر درد گراندی علی اکبر
.
.
سندن صورا قارداش على من نالیه گلّم
هجرون اوخونا قانه دونن قلبیمی دلّم
هجرانیوه حاشا دوزرم قالمارام ئولّم
قلبیم بولوسن که دولی قاندی علی اکبر
.
.
قارداشی باجی چوخ سوَر البته اوزوندن
خوشحال اولی قارداش دانیشان وقته سوزوندن
درد و غم و اندوهی گیدر اوپسه یوزندن
عشقیم سنه قلبیمده نهاندی علی اکبر
.
.
اگلش یره بیر تللروه شانه ویروم من
گوز یاشی و یا عطر سپوم یا نه ویروم من
جان شیشه می سنگ غم هجرانه ویروم من
صغرا شرر هجره یاناندی علی اکبر
.
.
مشكیله یووب زلفوی شوقیله هوروم من
لیلا داریان تللریرى بیرده گوروم من
سندن صورا غم بزمنی لازمدی قوروم من
صغرایه آدون ورد زباندی علی اکبر
.
.
ایوای منه غم صرصری گلزاریمه اسدی
مقراض محن شاخۀ آمالیمی کسدی
سن گیتمه على عمه مون هجری منه بسدی
قارداش باجینون جسمنه جاندی علی اکبر
.
.
صغرانون الى سن کیمی قارداشدان اوزولدی
اشکیم یوزیمه سبحه صد دانه دوزولدی
صغرا باجوین کوکب اقبالی سوزولدی
عمروم گونی سنسیز قارالاندى على اكبر
.
.
سن اولما رضا یاره لی قلبی یارالانسون
قلبیمده اولان درد و مشیت تازالانسون
آز قالدی علی گویلوه نالم اوجالانسون
بو آیریلوقون دردی یاماندی علی اکبر
.
.
یانماقدا باجون عشقلی پروانیه بنزر
هجرونده سنون فاطمه دیوانیه بنزر
بو قلب ایوی سنسیز علی ویرانیه بنزر
غم تیرینه قلبیمده نشاندی علی اکبر
.
.
سنسیز على هیچ كیم باجوین دردینی بلمز
دنیا بوئی آغلار سنه بیرده یوزی گلمز
آیا باجینون قارداشى الدن گیده ئولمز
ئولم بولوسن مطلب عیاندی علی اکبر
.
.
#خروج_مدینه_احمدی_جوان
#گل_بو_سفره_گیتمه_اماندی_علی_اکبر
#ترکی
.
✍️ #زبدةالاشعار ✍️
.
🆔: @nohe_torki
نظر دهید