ورود ماه محرم
.
✍️ زبدة الاشعار ✍️
?: @nohe_torki
.
کریمی مراغه ای
.
گینه عالمی غم آلدی
گینه ماه ماتم اولدی
کی بو آیدا قدّ زینب
غم و غصه دن خم اولدی
.
.
.
علم عزا وورولدی گینه فرشه طاق عرشه
چکیلیبدی قاره گویا باشاباش رواق عرشه
گینه یا حسین شعاری یازیلیبدی صاق عرشه
شه دینه بزم ماتم گینه عرش اعظم اولدی
.
.
.
بو آیین مصیبتیندن گون عزا دوتوب آی آغلار
فلک و مَلک دییرلر هامی وای حسین وای آغلار
دییب اصغره آناسی گوزی یاشلی لایلای آغلار
اونون اوخلانان بوغازی هامی شیعیه غم اولدی
.
.
.
گینه نُه رواق اولوبدی مَلکوته بیت الاَحزَن
گینه تکیه لر آچیلدی دوشنیب بساط شیون
گینه شمع بزم ماتم ائدیب آسمانی روشن
هامی تکیه لرده برپا گینه قاره پرچم اولدی
.
.
.
عَر‌صات محشر اولدی بو آیین اونوندا برپا
بالالار قالیب آناسیز آنالار قالیبلا ثکلا
هامی گوزده اشک حسرت هامی دیلده واحسینا
آخان اشگ لر جماله گولون اوسته شبنم اولدی
.
.
.
بو آیین اونوندا طوفان قوپوب عرصه ی بلاده
یخیب اشقیا حسینی یوزی اوسته کربلاده
آناسی آچیبدی باشین باباسی گلیبدی داده
دئدیلر حسین بو عالم بیزه اوزگه عالم اولدی
.
.
.
بو آیین اونوندا قاچدی چوله قورخودان اوشاقلار
دوشوب اسمگه بدنلر بُلونوبدی گول دوداقلار
نئچه گوشواره اوسته بویانیب قانا قولاقلار
هامی قلب قانه دوندی هامی دیده پُر نم اولدی
.
.
.
بو آیین اونوندا بیر اوخ دگیب اصغره فلکدن
آییریب او طفلی سوتدن آچیب اَللَرین بلکدن
آناسی دئدی دوشِیدی الون حرمله بیلکدن
نه بالاما سو تاپیلدی نه یارایا مرهم اولدی
.
.
.
دئدیم آغلاما عزیزیم سو خیالین آت آماندی
سو کی اولمادی ایچِیدون بوغازوندا پارچالاندی
یوزون اللرون لباسون بلگون قانا بویاندی
آناوون اوغول ئولونجه هر آیی محرّم اولدی
.
.
.
آقا یا حسین قاپوندا دئمیرم زهیرم حُرّ‌م
هله ذرّه قطریم من سنه وصلیم اولسا کُرّم
یوزی قاره بیر ایتم من یاتارام قاپوندا هورَّم
بو شرفلی آستانه دوشن ایت مُکَرَّم اولدی
.
#سبک_سو_یوخومدی_قزلاروندان (بیش از 5 سبک)
.
#ورود_محرم
#گینه_عالمی_غم_آلدی
#کریمی_مراغه_ای
#ترکی
.
✍️ #زبدةالاشعار ✍️
?: @nohe_torki
نظر دهید