کوچ از کربلا
.
✍️ زبدة الاشعار ✍️
.
🆔: @nohe_torki
.
.
سید بشیر حسینی میانجی
.
گيیوبدور قره جامه
علينون قيزى زينب
گئدور كوفه و شامه
علينون قيزى زينب
.
.
رئوس شهدانى عدو تندن آييردى
گل و غنچه درَنلر گولى دندن آييردی
عناديلى ستملن او گلشندن آييردى
دوشوب قوش كيمى دامه علينون قيزى زينب
.
.
ئولوب قارداشى، باشه هميشه قره باغلار
چكوب آه اورگيندن هامى ديل لرى داغلار
ئولونجه گئجه گوندوز حسين واى ديوب آغلار
ديير نوحه امامه علينون قيزى زينب
.
.
يوزين علقمه دوتدى منى ديندير اباالفضل
منيم بیرکمکیم يوخ غميم مين دير ابالفضل
اؤزون ناقه نون اوسته منى ميندير ابالفضل
اوزى ميندى جَمامه علينون قيزى زينب
.
.
چاتوب کوفیه آخر، اوَل قارداشا باخدى
تماشا ائليه نلر الينده داشا باخدى
جفائيله جیدايه ویریلمیش باشا باخدى
وئروب آهه ادامه علينون قيزى زينب
.
.
شهين نيزه باشيندا باشى باشلادى قرآن
كسيك باشه داش آتدى او دم دشمن نادان
كسيلدى سسى، سینمیش جبينيندن آخوب قان
يانوب نار ظُلامه علينون قيزى زينب
.
.
قوتار یازما «بشیر»ا، اؤرَکلر قانا دؤندی
سارالدی رُخ دفتر، سولان ریحانا دؤندی
گؤزون یاشی بو غمده، آخوب عمّانا دؤندی
یازوب اشکیله نامه، علینون قیزی زینب
.
.
.
.
#کوچ_کربلا
#گيیوبدور_قره_جامه
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki
نظر دهید