زبدةالاشعار

ای کربلانون تشنه لب قربانی قارداش #کوچ_کربلا #ستار_رزاقی

زبانحال زینب کبرا س در موقع کوچ از قتلگاه  کربلا
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا … 10 سبک
.
ستار رزاقی تبریزی
.
ای کربلانون تشنه لب قربانی قارداش
دور سال یولا بو زینب نالانی قارداش
.
.
دور گور نجه اهل حرم محزون خسته
قید جفایه ظلمیله اولموشلا بسته
بودشتی جبرا ترک ایدولر دلشکسته
یالقیز قویولارسن کیمی سلطانی قارداش
.
.
بو قانلی صحراده اخا محشر عیاندی
دوشموش بدنلر توپراقا بیر پارچا قاندی
دور گور نجه خرگاهمیز یاندی تالاندی
یوخ دیندیرن بوخیمه سی سوزانی قارداش
.
.
کربوبلا هنگامه سی یتدی تمامه
حیراندی عالم ایتدیقون قانلی قیامه
جانلا فدادور سنده کی عالی مرامه
سرمشق ایدر عالم همین عنوانی قارداش
.
.
قول باغلی شامه یولانور غم کاروانی
عرشه چیخوبدور قیزلارین دادو فغانی
دور کاروانون آردیجا تیز ویر اذانی
اولسون باجون زینب دلون قربانی قارداش
.
.
گلدیم جلالیله بودشت کربلایه
فکر ایلمزدیم بیر بیله دردوبلایه
ایمدی اسیرم ظلمیله اهل جفایه
ترک ایلورم بو ورطه طوفانی قارداش
.
.
قویموبدی دشمن نعشون اوسته آغلیام من
ایوای حسینیم وای دیوب دل داغلیام من
جان تاپشوراندا گوزلریوی باغلیام من
پاک ایلیم تا گوزده کی آلقانی قارداش
.
.
آلدیم اله سندن صورا قانلی لوانی
تاقویمیام پامال اولا خون خدانی
خوار ایلرم دنیاده من اهل جفانی
اولماز بو قانلی نهضتون پایانی قارداش
.
.
ویرسیدی دشمنلر امان بوردا قالاردیم
گوز یاشمیله یاره وه مرحم سالاردیم
حسرتله قارداش وای دیوب گویلون آلاردیم
ویرموب عدو نیلوم کی بوامکانی قارداش
.
.
نسگلرون قارداش حسین دنیانی داغلار
عاشقلرون گوز یاشینی رخساره باغلار
رزاقی دا صبح ومسا بو غمده آغلار
لطف ایله اولسون کربلا مهمانی قارداش
.
.
#کوچ_کربلا #ستار_رزاقی
#ای_کربلانون_تشنه_لب_قربانی_قارداش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مامور اولموشام بولون ای اشقیای شام #عباسیه_حقیر_خویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی