وداع امام حسین(ع)
.
✍️ #زبدةالاشعار ✍️
.
🆔: @nohe_torki
.
مرحوم ثریا تبریزی
.
گینه قراریمی بیر جلوه نگار آپارور
نگار جلوه سی معلومیدور قرار آپارور
.
گیوبدی قرمزی قاندان گوزوم ائوینده گزر
توان و تابیمی هرلیل و هر نهار آپارور
.
او سرو قدّینه باخدوقجا گوزیاشیم توکولور
نقدری لذّت سرو اولسا جویبار آپارور
.
دوشوب بهار یوزی سرّی وار طراوتدن
نسیم جور خزان نکهت بهار آپارور
.
ووروبلا جسمینه ازبس اوخی اوخ استندن
او گلستانه گلن گُلدن اوتری خار آپارور
.
چوخ آغلا زینبه چوخ یان حسین تشنه لبه
فدا او گوزیاشیوا قلبیدن غبارآپارور
.
حسین غمینده توکن گوزیاشین بو عالمده
الینده حشره کیمی درّ شاهوار آپارور
.
قتیل العبرة دئیوب امّته فدا اولدی
اودور که گوزیاشینی دُر تک نثار آپارور
.
دوتولسا قلبین اگر قلب زینبه بنزز
سنی عزا دوتولان بزمه قلب تار آپارور
.
بهار اولاندا چمن زارعشقه فاطمه نی
بولود کیمی دوتولان چشم اشکبار آپارور
.
الی قابورقالاریندا شکسته قلبی کیمی
حسین ماتمینه زلف تار مار آپارور
.
گلر عزایه ولی آستانه ده اوتورار
گیدنده گوزیاشی مجلسده هرنه وار آپارور
.
دئیرحسینیمون آخر وداعینی اوخیون
او محنتی دل عالمدن اختیار آپارور
.
دوشنده یاده حسینین همان مقدمه سی
وجود مملکتین اشک سیل وار آپارور
.
گوزوم ائوینده مهیّا اولوب امام حسین
گیدرجداله طرف الده ذوالفقار آپارور
.
دوروبدی خیمه قاپوسیندا بوینی چینینده
شهادت امرینه وار ذوق انتظار آپارور
.
ایچوبدی باده وصلت وصال یار ایستر
حسینی ساقی وحدت ائدوب خمار آپارور
.
شتابی واردی گئده گیدماقا یوزی یوخدور
بلی اوغول ئولومی دیزدن اختیار آپارور
.
جناب زینبه گیزلین وصیّتی واردور
سبب اودورکه اونی خیمدن کنار آپارور
.
دئیر باجی گئدورم باش وئرم جدا باشینا
اسیر ائدرسنیده شمر بی خمار آپارور
.
قضا کیمی شه دینی اجل دولاندوردی
قدر ئولوم آتینا ایلیوب سوار آپارور
.
بئله گمان ائلمه اولمادی رکاب دوتان
یانینجا روح الامینی رکابدار آپارور
.
دئدی رقیّه گلوم منده سویلدی گلمه
باشیم جداده گیدنده سنیده یار آپارور
.
خرابه ده سنیله بیرده قول بویون اولام
منی خرابیه زلفینده کی او تار آپارور
.
نه انقلاب نه آشوبدور دوشوب شامه
دئیوله شامه حسین کاروانی بار آپارور
.
نه کارواندی که لنگ ایلمز متاعی ندور
گمان قضیّه زینبدی نوری نار آپارور
.
که یعنی عصمت کبرانی قولاری باغلی
یزید مجلسینه شمر بد شعارآپارور
.
.
#حسینیه_وداع #وداع
#گینه_قراریمی_بیر_جلوه_نگار_آپارور
#ترکی
.
✍️ #زبدةالاشعار ✍️
.
🆔: @nohe_torki
نظر دهید