یاران نماز اوسته سحر زمانی #حیدریه_عدلی_تبریزی

شهادت حضرت علی علیه السلام
.
✍️ #زبدةالاشعار ✍️
.
🆔: @nohe_torki
.
عدلی تبریزی
.
#سبک_ایران_اگر_دل_تو_را_شکستند
.
.
یاران
نماز اوسته سحر زمانی
بلشدی قانه مرتضانی
شل اولموش ال او ابن ملجم
گتوردی لرزیه سمانی
.
کر،،،،،
.
چاتوب حسینون عرشه آهی
باتوبدی آفتاب و ماهی
.
.
.
یاران
علی باشی قلجلانوبدی
محرابی قانه ایسلانوبدی
قلج ویران او مرد کافر
علینین حقینی دانوبدی
.
.
یاران
او ملجم اوغلی دلده تکبیر
ناحق ایدوبدی حقی تفسیر
گوروبدی بام عشقیده نور
سالوب شعاع وبروبدی شمشیر
.
.
یاران
او ملجم اوغلی دین ساتوبدی
مرامینه اگر چاتوبدی
قروبدی بذل ریشه سین چون
یتیم و بیوه آج یاتوبدی
.
.
یاران
علی ئولوب صداقت ئولدی
قلوب شیعه غمله دولدی
هدایتین گونی باتاندان
ریاض دین سارالدی سولدی
.
.
یاران
بو گونکی گون اولوب قیامت
عیاندی حشریدن علامت
نه داد خواه نه دادگستر
ئولوب علی ئولوب عدالت
.
.
یاران
خسوف ایدوب مه هدایت
یوموب گوزون شه ولایت
قویولارا دیمز او دردین
او خسته روح اولوبدی راحت
.
.
یاران
ایدردی خالقه عبادت
او عرصه لرده با لیاقت
آچان گوزون خدا ایونده
تاپوب او یرده ده شهادت
.
.
یاران
یارالی باش گیدوب مزاره
گلوبدی اهلبیتی زاره
گلزار دینه باغبانون
خزانی دونمدی بهاره
.
.
عدلی
تمام ایله بو ماجرانی
نجفده قوی او مقتدانی
بو غصه لر سالوبدی یاده
حسین و دشت کربلانی
.
.
.
#حیدریه_عدلی_تبریزی
#حیدریه_شهادت
#یاران_نماز_اوسته_سحر_زمانی
#ترکی
.
✍️ #زبدةالاشعار ✍️
.
🆔: @nohe_torki