زبدةالاشعار

اود دوتوب قلبیم الولاندی باجی #اصغریه_رهبری_تبریزی

زبانحال حضرت امام حسین (ع) خطاب به زینب کبری(س)
در شهادت حضرت علی اصغر (ع)

.
✍️ #زبدةالاشعار✍️
.
🆔: @nohe_torki
.
مرحوم رهبری تبریزی
.
اود دوتوب قلبیم الولاندی باجی
الیم اوسته بالام اوخلاندی باجی
گل آپار یاره سینی باغلا باجی
بالاما اوخشا اؤزون آغلا باجی
.
.
ظلمونی باشه ویروب قوم جهول
بویانوب قانه بالام اولماملول
قوزی قربانیمی حق ایتدی قبول
گل آپار یاره سینی باغلا باجی
بالاما اوخشا اؤزون آغلا باجی
.
.
آتش غمده منی قویما یانوم
اوخلی قربانیم الیمده دولانوم
اصغرین قانینه منده بویانوم
گل آپار یاره سینی باغلا باجی
بالاما اوخشا اؤزون آغلا باجی
.
.
گوز یاشیم غم لریمی سان ویروری
بالامون اوخ یاراسی قان ویروری
اللریم اوسته بالام جان ویروری
گل آپار یاره سینی باغلا باجی
بالاما اوخشا اؤزون آغلا باجی
.
.
من ازل حقیله پیمان ایله دیم
عشقیمی عالمه اعلان ایله دیم
بالامی دینمه قربان ایله دیم
گل آپار یاره سینی باغلا باجی
بالاما اوخشا اؤزون آغلا باجی
.
.
منه گلمیشدی بالام تازه قوناخ
دگدی اوخ یاتمیشیدی اولدی اویاخ
قوش کیمی چالدی الیمده ال ایاخ
گل آپار یاره سینی باغلا باجی
بالاما اوخشا اؤزون آغلا باجی
.
.
شل اولا اللری بو اوخ آتانون
گوزونی یولّارا تیکدی آنانون
تابی اولماز اوخا خردا بالانون
گل آپار یاره سینی باغلا باجی
بالاما اوخشا اؤزون آغلا باجی
.
.
آلدى اوخ طاقتنی اصغریمون
اولمادی تابی گل پرپریمون
یاراسین تازه لدی اکبریمون
گل آپار یاره سینی باغلا باجی
بالاما اوخشا اؤزون آغلا باجی
.
.
حرمله ایلمدی حقدن حیا
ظلمونی اصغریمه بولدی روا
قان ایچیردوب سو یرینه بالاما
گل آپار یاره سینی باغلا باجی
بالاما اوخشا اؤزون آغلا باجی
.
.
شیعه نین سنده آقا واردی گوزی
باب حاجاتیدی هم اصغر أوزی
«رهبری» بازدی دلوزجه بو سوزی
گل آپار یاره سینی باغلا باجی
بالاما اوخشا اؤزون آغلا باجی
.
.
#اصغریه_رهبری_تبریزی
#اصغریه_شهادت
#اود_دوتوب_قلبیم_الولاندی_باجی
#ترکی

متن پیشنهادی:  مکان لامکاندا اگلشیب ائتدون مکان ای اوخ #حسینیه_نجمی_تبریزی

.
✍️ #زبدةالاشعار✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی