استیذان حضرت قاسم (ع)
..
..
..
#سبک_دل_شب_ایلیوب_سفر … (4 سبک سینه و زنجیر)
سبکهای مشابه دیگر (با اضافه کردن واگیر) #سبک_الهی_دفن_ایدیم_نجه … #سبک_الهی_غملی_کوفه_نون … #سبک_تا_مشکتو_تو_آب_زدی … #سبک_حسین_دوشوبدی_مقتله …
..
..
..
تبسمی اردبیلی
..
..
..
..
اجازه قیل عطا عمو
اولوم سنه فدا عمو
منه بو چولده لیلی تک
آنام قورا عزا عمو
..
..
..
..
همای بخت میلی وار
اوچا ریاض جنّته
خوشام موفّق ایلیه
خدا منی سعادته
واریم علاقه ای عمو
منیمده چوخ شهادته
منی بوغصّه دن ایله
سن الله تز رها عمو
..
..
..
..
قسم علی و اکبرین
محمّدى جمالینه
خضاب قانه هاشمی
یوزینده خدّ و خالینه
آناسی لیلینون اولان
اورکده کی ملالینه
اوره ک سوزومدی قوی گیدیم
قتاله مقتدا عمو
..
..
..
..
سحردن اشک حسرتیم
رواندی مه جمالیمه
وجودیم اود دوتوب یانور
ترحّم ایله حالیمه
وار التماسی قاسمون
جواب ویر سؤالیمه
حلال ایله کفن گیوم
بابام اولا رضا عمو
..
..
..
..
اجازه ویر اؤپوم سیلیم
ایاقوون غبارینی
نهانی عشقیمون ویریم
نشان سنه عیارینی
نگار گوزلیور یقین
بهشتده نگارینی
گوزی یولیمدادور بابام
امام مجتبی عمو
..
..
..
..
بابام وصیّت ایلیوب
قولومدا وار نشانه سی
حسینه جان دیوب ویره
سریّه نازدانه سی
واریمدی حکم مستند
هوا دگول بهانه سی
طریق عشقده وارام
سنیله هکذا عمو
نهال دینه من بوگون
لزومی واردی قان ویرم
سنه ملائک آغلیور
گرکدی منده جان ویرم
ایاقی آلتدا آتلارون
محبّتی نشان ویرم
گوزوم گزور او ساعتی
نه آیری بیر دوا عمو
..
..
..
..
حقیقی عشق و عاشقه
فنون جنگ ایستمز
سلاح عشقدور بیزه
سپر خدنگ ایستمز
ره کمال سیرینه
بلی درنگ ایستمز
بو علمه عارفم ئوزوم
حبیب و آشنا عمو
..
..
..
..
نظر دهید