گئتدیم من حسین باشدا قرا شامه گئدنده #اربعین_لاادری

اربعین
.
✍️ #زبدةالاشعار ✍️
.
🆔: @nohe_torki
.
لاادری
.
.
گئتدیم من حسین باشدا قرا شامه گئدنده
گلدیم یارالی اللری قوینوندا گلنده
.
.
دنیاده حسین گورمدیگیم گونلری گوردوم
گلشن آرا پرپرداغیلان گللری گوردوم
میداندا اخا قانه باتان پیکری گوردوم
دوتدوم قانوی حسرتیله باشیمه یاخدیم
مقتلده دوروب شمر جفا پروره باخدیم
.
.
گلدون او زمان که منیم امدادیمه قارداش
بیرکس یوخودی گلسون اودم دادیمه قارداش
چاتدون نه چتین وقتیده فریادیمه قارداش
قرآن اوخیان لبلروه جان دئدی زینب
مین جانی اولا آدوه قربان دئدی زینب
.
.
عفریته وران وقته گوزل لبلروه داش
دگسون منِ بی یاور الله دِدیم ایکاش
وردیم باشیمی شدتیله محمله قارداش
ئولسمده وارام قارداش حسینجان سوزوم اوسته
باشیم یاریلوب قان سوزولوبدی گوزوم اوسته
.
.
قبراوسته گئدن رسمیدی الده گل آپارسون
پرپرگولونه ناله ائدن بلبل آپارسون
بوخاطره نی دور زمان مشکل آپارسون
عفو ائت منی غم تیری دل زاریمی بولدی
افسوس حسین نوحه دیین بلبلوم ئولدی
.
.
آز سنّیده دوزدی غم بسیاره رقیه
چوخ چوخ تلسردی اورگی یاره رقیه
ترک ایلیه شامی گله دیداره رقیه
اولدوز کیمی ویرانه ده تز باتدی رقیم
زهرا کیمی یومدی گوزونی، یاتدی رقیم
.
.
اظهار ائلسم دردیمی گلمز سانا قارداش
راضی دگلم قلبوی غمدن یانا قارداش
گلدی حرمون دشمن الیندن جانا قارداش
ظلم ائتدی اوقدری بیزه بو آل امیه
ئولدی الی قوینیندا بالام نازلی رقیه
.
.
اما بالام ئولدی منیم آرامیمی آلدی
آز سنّیده مین محنتی بو سینه ده قالدی
قارداشسیز آنام فاطمه نی یادیمه سالدی
عرشه اوجالوب ناله بو اوضاعی گورنده
غساله نی آغلاتدی بالام،غسل وئرنده
.
.
#اربعین_لاادری
#گئتدیم_من_حسین_باشدا_قرا_شامه_گئدنده
#ترکی
.
✍️ #زبدةالاشعار ✍️
.
🆔: @nohe_torki