زبدةالاشعار

خلق ائلین زمان خدا زینبه مرحبا دئدی #زینبیه_واصف_مرندی

مدح و میلادیه حضرت زینب سلام الله علیها
.
.
واصف مرندی
.
خلق ائلین زمان خدا زینبه مرحبا دئدی
جدّ شریفی مصطفی زینبه مرحبا دئدی
.
قویدولا زینب آدینی یعنی آتاسی زینتی
حضرت شاه لافتا زینبه مرحبا دیدی
.
روز تولدونده تا ثابت اولوب خانملیقی
فخریله خیرة النّسا زینبه مرحبا دئدی
.
آچدیلا سرّ صحبتی جوشه گلوب محبتی
باغرینا باسدی مجتبی زینبه مرحبا دئدی
.
هر کیم آلوب قوجاقینه آچمادی نازلی گوزلرین
دوردوده گرچه همصدا زینبه مرحبا دئدی
.
نوبه چاتیب حسینه تا فرق ائلیبدی ماجرا
ایلدی زیر لب دعا زینبه مرحبا دئدی
.
وئردیله ماه عصمتی شمس هدا قوجاقینه
شوره گلوبدی نه سما زینبه مرحبا دئدی
.
آچدی او نازلی گوزلرین باخدی حسین جمالینه
فیض زیارت آلدی تا زینبه مرحبا دئدی
.
حُسنی تفاوت ایلدی عشقینی ثابت ایلدی
پنج تن آل عبا زینبه مرحبا دئدی
.
آی بو مجالسه گلن نیتیزی ائدین علن
عاشق ناب وبی ریا زینبه مرحبا دئدی
.
زینبین عشقی فرق ائدر غیرتی ظلمی غرق ائدر
قالوا بلایه آشنا زینبه مرحبا دئدی
.
.
.
کرببلا صفاسینی آل نظره دمشقیلن
زینبه مدح تامه می عرض ائلیوم دوز عشقیلن
.
.
.
قلب علی یَه اگلشر واهمه زینب اولماسا
دهریده بی نسیب اولار فاطمه زینب اولماسا
.
فاطمه جانشینیدی سرّلرین امینیدی
قلب حسن یانار غم اعظمه زینب اولماسا
.
بانوی منحصر لقب یعنی عقیلة العرب
علم وعمل علیل اولار عالمه زینب اولماسا
.
بزم الستیده علن کرببلاده عشقیلن
کیمدی یازا حسین آدین پرچمه زینب اولماسا
.
دورماسا تلیده اگر چکمه سه آه خونجگر
کیمدی گله صفا وره علقمه زینب اولماسا
.
خطبه سی شاه کار ائدر ابن زیادی خوار ائدر
کوفه ده ساکت اولماز اول همهمه زینب اولماسا
.
شامه ایاق یالین گئدر کاخ یزیدی تیتردر
کیمدی یایا حسین آدین عالمه زینب اولماسا
.
اوج مصیبت ستم قامتینی اگنده غم
صبری کیم ائلیر سپر هر غمه زینب اولماسا
.
روز جزاده بالیقین طبق اوامر حسین
چاتمیاجاق نتایجه محکمه زینب اولماسا
.
.
.
.

متن پیشنهادی:  یابن الحسن ای شه ملک جهان #مهدیه_ماه_پری_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی