زبدةالاشعار

الله یاراداندا سنی معنای بدایت یارادوبدی #حسینیه #بیدق_داری

مدح و میلادیه حضرت اباعبدالله الحسین (ع)
.
.✍️ زبدة الاشعار ✍️
.
.🆔: @nohe_torki
.
حاج داود بیدق داری
.
الله یاراداندا سنی معنای بدایت یارادوبدی
شایسته دی گر عرض ائلسم ختم نهایت یارادوبدی
.
.
پیغمبری چوخ دوزلی یاراتمیشدی که تا دللری آلسون
زهرا و علینی یارادیب عالمه تا ولوله سالسون
وئردی حَسنه حُسن رخی آینۀ سینه ده قالسون
نوبت یتشوبدور سنه بیر آیری قیامت یارادوبدی
.
.
یئر گوی سنی سسلندی حسین سنله دولوب جام محبت
شهد لبون آثاریدی شیرین اولونوب کام محبت
آلدی سنی آغوشینه باخدی یوزیوه مام محبت
گولدی دئدی بو طفلیده حق گور نه لطافت یارادوبدی
.
.
سسلندی حسین آدیوی مین شوقیله صدیقۀ اطهر
گوردی سنی معبودینه شکر ایلدی بو لطفه پیمبر
بیر سنسن اولان اجر زیارتده نود حجّه برابر
ششگوشه مزارونده خدا گور نجه حکمت یارادوبدی
.
.
عقل ایستدی آدون دئدیم عاقلدی ئوزی جان جهاندی
عشق ایستدی آدون دئدیم عشاقه اولان روح رواندی
مولادی حسیندور آدی معناده کی معنای نهاندی
وصفی چتین ایشیدور اونی حق فوق عبارت یارادوبدی
.
.
(گوهردی حسین آدینی کیم دیلده ائدوب ازبر آپاردی) (1)
زهرا ایوینون رشکینی مولایه گوره گویلر آپاردی
قونداقینه گهواره ائدوب روح الامین شهپر آپاردی
گویده دئدیلر حق ئوزونه گورملی آیت یارادوبدی
.
(1) مرحوم #منزوی_اردبیلی :
هرکیمسه حسین آدین ائدوب ازبر آپاردی
قبره الی بوش گئتمدی بیر گوهر آپاردی
.
#حسینیه_مدح
#حسینیه_میلادیه
#الله_یاراداندا_سنی_معنای_بدایت_یارادوبدی
#بیدق_داری
#ترکی
.
.✍️ #زبدةالاشعار ✍️
.
.🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی