آز حسرتیله باخ یولا گلدیم بابا گلدیم #رضویه_تائب_تبریزی

زبانحال امام جواد (ع) در بالین پدر
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
آز حسرتیله باخ یولا گلدیم بابا گلدیم
جانیم سنه قربان اولا گلدیم بابا گلدیم
.
.
سانما که کسون یوخ سنه غمخوار و کس اولّام
یوخ دادرسون سس ویررم دادرس اولّام
آخر نفسونده سنیله همنفس اولّام
صون دم سنه یار اولماقا گلدیم بابا گلدیم
.
.
یوخ فکرون ایدن صون دم اوزوم قیدیوه قالّام
در دون ندی دلدن یانارام دردیوی آلّام
مین رأفتیله قوللاریمی بوینوا سالّام
قویما دلوه غم دولا گلدیم بابا گلدیم
.
.
آز شعلۀ آهیله دل زاریوی یاندور
آز نالۀ جانکاهیوی افلاکه دایاندور
آز گوزلرون اطرافیوه حسرتله دولاندور
باخما بو قدر صاق صولا گلدیم بابا گلدیم
.
.
یثربده او ساعت که بابا من سسون آلدیم
اولدوم نگران سولدوم او ساعتده سارالدیم
الله اوزی عالمدی که نه حالته قالدیم
اول حالیله دوشدوم یولا گلدیم بابا گلدیم
.
.
بو داغلی دلی حسرت اوخیله اویارام من
یانّام غموه یوز یوزه سنله قویارام من
کامیمجه گوزل عطریوی آلّام دویارام من
جان عطریوه قربان اولا گلدیم بابا گلدیم
.
.
دوندرمه بو اندازه ده گوز یاشوی سیله
آز ذکریوی بو غربت آرا وا وطن ایله
سورتمه اورگون باشینی توپراقلارا بیله
میل ایلمه صاقدان صولا گلدیم بابا گلدیم
.
.
هرچند ایدوب زهر عداوت سنی خسته
یوخ کیمسه چکن نازیوی ای قلبی شکسته
نازون چکرم باشوی آلّام دیزیم اوسته
باشون دیزیمه آلماقا گلدیم بابا گلدیم
.
.
هرگز دیمورم من دیریلیقدان بابا دویما
تیر غمیله قلبیمی امّا بیله اویما
رخسار لطیفون بیله توپراقلارا قویما
سورتمه یوزیوی توپراقا گلدیم بابا گلدیم
.
.
گرچه وطن آواره سی سن چوخ محنون وار
غربت زده سن دلده خیال وطنون وار
بیر عدّه وطنده یولوی گوزلینون وار
کشف ایلمدیم اونلارا گلدیم بابا گلدیم
.
.
ایلوم نجه من بو خبری نشر گیدنده
آغلاردی باجیم فاطمه من طوسه گلنده
گوزلر یولوی ایمدی او مظلومه وطنده
تیکدی او گوزون یولّارا گلدیم بابا گلدیم
.
.
سندن بابا معصومه بیبیم آیری دوشندن
بیر صحبت آچوب سوز دیدی سوز باشلادی سندن
حالون سوروشوب گونده خبر دوتدی گلندن
عشقین سنه شرح ایتماقا گلدیم بابا گلدیم
.
.
هجرون بیبی مون سینه دن آرامینی آلدى
آخرده وطندن آیروب چوللره سالدى
گورموب سنی افسوس اونون حسرتی قالدى
حسرت زده اولدوم اونا گلدیم بابا گلدیم
.
.
وصلون ایلیوب مدّ نظر چشم بصیری
قم شهری اونون اولدی بابا یولدا مسیری
جان ویردی آدون دیلده اولوب توپراق اسیری
گتدیم غم یاری یارا گلدیم بابا گلدیم
.
.
گوردی یوزیوی دلدہ کی آیینه ده ئولدی
مین مهر و وفا گوهری گنجینه ده ئولدی
سن یولّادوقون نامه بابا سینه ده ئولدی
دلدن اودی آلدیم یارا گلدیم بابا گلدیم
.
.
سن عالمی گوزدن بابا جان بوردا آتارسان
گونلر گونوسن غرب خراساندا باتارسان
قمدا یاتوب عمّه م ولی سن بوردا یاتارسان
تدفینوه بو توپراقا گلدیم بابا گلدیم
.
.
تائب سنه یازدیردیلا بو شرح بیانی
یالوار او شهه ایستیه بو اهل عزانی
جمعیله دیاق بیله دیوب تازه جوانی
آز حسرتیله باخ یولا گلدیم بابا گلدیم
.
.
.
.
#رضویه_تائب_تبریزی
#رضویه_شهادت
#آز_حسرتیله_باخ_یولا_گلدیم_بابا_گلدیم
#ترکی
.
✍️ #زبدةالاشعار ✍️
.
🆔: @nohe_torki