زبانحال حضرت معصومه (س) در فراق پدر
.
✍️ #زبدةالاشعار ✍️
.
🆔: @nohe_torki
.
مرحوم #انور_اردبیلی
.
ای دادگر مطلق و فریاد رس الله
سندن صورا یوخدور بیزه فریاد رس الله
.
.
یول گوزلین اطفال جگر قاندی بو ایوده
جمعیّتیمیز گورنه پریشاندی بو ایوده
.
.
هارونه او گوندن که آتام اولدی گرفتار
ناچار وطندن اوزاقا دوشدی او دلدار
اولدی علوی زاده لره مرحله دشوار
بیز گوزیاشی توکدوک او اورکده یارا گیتدی
هیچ بیلمدوک ایو صاحبی ایودن هارا گیتدی
.
.
گئتدی اوزی قالدی گوزل آدی دیلیمزده
غم قُمرسی فریاده گلوب منزلیمزده
قالمادی صفا آیلاریمزدا ایلیمزده
هر شام و سحر معجریمز اشکیله تردی
روزانه غذاسی بیزیچون خون جگردی
.
.
محنت دومانی سایه سالوبدور باشمزدا
نه آهده تأثیر نه وار گوز یاشمزدا
نه بیزده توان وار نه رضا قارداشمزدا
صورت لریمز مثل بنفشه ساری اولدی
غم غصه ایله عمریمز الله یاری اولدی
.
.
ظلمون شرری خرمن ایمانه دوشوبدی
جبار الینه سید فرزانه دوشوبدی
گوزلردن ایراق بلکه ده زندانه دوشوبدی
تبعیدیده آزاد گر اولسیدی او حضرت
نامیله ایدردی بیزه اظهار محبت
.
.
منزلده کچن دوره مزی یاده سالاندا
هجران محنی صبریمزی الدن آلاندا
فکر ایلیورم بیز هله بو حاله قالاندا
مظلم آتامون غصه لر آرامین آلوبدی
غربتده گرفتار اولان ایندی قوجالوبدی
.
.
ظلم ایتدی بنی هاشمه یارب بنی عباس
هر گونکه چخور گون ایدروک تازه غم احساس
اوچ یول دوتوروق سفره سالان وقتده بیز یاس
کپریکلر ایتور گوزلرین حسرتلی یاشندا
ایو صاحبنی آختاریوق سفره باشندا
.
.
یثربده بیزیم دوستمز دشمنزیمز وار
دشمنلریمز شاد یاشور دوستمز زار
چوخداندی تکوب گوزیولا بو ایوده که قزلار
بیز تازه قبا گیممشوک اون بیر ایل عیدی
دشمنلریمز ایل باشی هر ایل تزه گیدی
.
.
دینجلدوک الهی بیزه ده خوش سحر اولسون
غمدن اورک آیینه لری بی کدر اولسون
تبعید اولونان سیدیمزدن خبر اولسون
گیتمش بو ایوین زینتی پیرایه سی یوخدی
اون یدّی قزون باشدا آتا سایه سی یوخدی
.
.
کوچه قاپوموز که ورولار بعضی زماندا
جان تازه لنور فوری بیر عده نگراندا
نسکل لی سوز اظهاره گلور نطق و بیاندا
سسلوله کج اندیش فلک بیزله دوزلدی
پیشوازه چخون اونبرایلون آیرسی گلدی
.
.
یارب بو بگوزی یاشلی پریشانلارا خاطر
یارب اورگی غنچه کیمی قانلارا خاطر
یارب سارالان یوز یورولان جانلارا خاطر
هر یرده دی حفظ ایله او مظلوم و غریبی
چوخ ناخوشی وار گوزلور او روحانی طبیبی
.
.
ای بزم سلیمانه ایدن هُدهُدی قاصد
بنده دوشوب هاردا گیجه لر زنده دل عابد
یوز قبله ده تکبیر دیین عشقلی زاهد
محرابی قویوب خالی ایوین وقری گیدوبدی
سجاده سالوبدی هارانی خلوت ایدوبدی
.
.
گوندوز او قدر فکر ایدورم ای حق یکتا
غملر نظریمده گورونور مثل هیولا
درک ایلمیشم بو گیجه بیر قورخلی رویا
محبسده آتام اللری قوینوندا یاتوبی
سرسلسله مز سلسله بوینوندا یاتوبدی
.
.
افسوس آز اولدی منه رویاده وصالی
آهن قفسه رامیدی سیمرغ مثالی
چوخ پوزقونودی محبس تاریکده حالی
سولموشدی قزل گل مثلی رنگی ساریدی
حتی ایاقندا آتامون کونده واریدی
.
.
راحت یاتا هیهات خیالی اولان انسان
دوردوم یوخودان بستر محنتده هراسان
تعبیریله اولمادی یوخی مشکلیم آسان
شکوه ایدورم اوزاوزومه قاره یازیمدان
تنها نه غذا یوخ سودا گتمور بوغازیمدان
.
.
#حضرت_معصومه
#کاظمیه_شهادت
#ای_دادگر_مطلق_و_فریاد_رس_الله
#انور_اردبیلی
#صدای_عاشورا_انور
#ترکی
.
✍️ #زبدةالاشعار ✍️
.
🆔: @nohe_torki
نظر دهید