زبدةالاشعار

اله دستمال آلوب آغلا یارالاندیم باجی زینب #حسینیه #صراف_تبریزی

شهادت حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم صراف تبریزی
.
اله دستمال آلوب آغلا
یارالاندیم باجی زینب
اوزون گل یاره می باغلا
یارالاندیم باجی زینب
.
.
گچر آهیم اوخی داشدان
اوزولدیم قوم و قارداشدان
آتام حید ر کیمی باشدان
یارالاندیم باجی زینب
.
.
آخار اوز باشینه قانیم
دولار بو چشم گریانیم
آخار قانیم گیدر جانیم
یارالاندیم باجی زینب
.
.
اگر چه سینه داغلارسان
یارامی گورسن آغلارسان
ولی سن یاخشی باغلارسان
یارالاندیم باجی زینب
.
.
منی بیر اوچی زار ایتدی
غمه و درده دچار ایتدی
وروب یخدی شکار ایتدی
یارالاندیم باجی زینب
.
.
بو یاره پیک دلبر دور
دیاره یاره رهبر دور
دگل یاره گل سر دور
یارالاندیم باجی زینب
.
.
منی گل سر بلند ایله
قرا زلفون کمند ایله
یارامی خشکه بند ایله
یارالاندیم باجی زینب
.
.
باشیم ضربت لنن ساعت
ویروب یوز اوزگه بیر حالت
دیزیمده قالمیوب طاقت
یارالاندیم باجی زینب
.
.
یتوبدور سینمه چوخ اوخ
ولی بیرجه دیمم اوخ اوخ
بو یارم کارگر دور چوخ
یارالاندیم باجی زینب
.
.
پیمبر گلشنی سولدی
عمامم قانیلن دولدی
منه اولمک یقین اولدی
یارالاندیم باجی زینب
.
.
اوغول یوخ سسلیم داده
بو گونده یتسون امداده
خبر ویر تازه داماده
یارالاندیم باجی زینب
.
.
ئولوب اعوان و انصاریم
دوشوب قولسوز علمداریم
سن اول یار و هواداریم
یارالاندیم باجی زینب
.
.
فلک آرامیمی آلدی
سنی درد و غمه سالدی
سکینم آتا سیز قالدی
یارالاندیم باجی زینب
.
.
دیمون «صراف» بیکس دور
اسیر نفس ناکس دور
قبول اولسا بو سوز بس دور
یارالاندیم باجی زینب
.
.
.
#حسینیه #صراف_تبریزی
#حسینیه_شهادت
#اله_دستمال_آلوب_آغلا_یارالاندیم_باجی_زینب
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  حسینه یثربی تنگ ائتدی آل بوسفیان #خروج_مدینه #انور_اردبیلی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی