حالات حضرت زهرا(س)
.
.
مرحوم انور اردبیلی
.
.
یازورام دفتره بو مطلبی شاهددی خدا
همچنین روح رسول مدنی خیر ورا
.
مرتضی شاه برازنده ی اورنگ رضا
تک به تک مرد و زن انجمن اهل کسا
.
حضرت روح الامین قاصد اعلای ولا
ساکنان حرم قدس و سماوات عُلا
.
انبیای سلف و صالح و صدّیق خدا
سر به سر صدره نشینان سریر معنا
.
هم مقیمان قصور اِرم روح افزا
هم ره حقّیده که مشعله داران هدا
.
اولاریکه دانیشوب حقی اولوب حقّه فدا
بذل ائدوب مکتب اثنا عشره یاخشی بها
.
پیشوایان قدیم و فضلا و نجبا
عرفا و فقها و علما و شهدا
.
کعبه و مسجد اقصا و حرا امّ قُرا
مأذن مسجد پیغمبر محمود لقا
.
عنصر اربعه و بحر و بر و ارض و سما
یثربون باغلارینون نخل لری سرتاپا
.
در و دیوار خون آلود شه ملک وفا
آستان علوی قان توکولن صحن سرا
.
سر امّ النّجبادن یره نقش اولموش عبا
آلتی آیلیق بالا که سقط ائلدی مام حیا
.
بیلمدی صود دادینی دادمادی دنیاده غذا
آچمادی غنچه ی سربسته کیمی اولدی فنا
.
در مسمار باتوب اولدی او سینیکه یارا
بو قدر شاهدیله یوخ بو سوزه چون و چرا
.
توش اولوب ختم رسولون قزی نامرده ئولوب
حسنینون آناسی فاطمه اللرده ئولوب
.
آفتابی ائده بیلمز نجکه پرده نهان
بو بیوک فاجعه نی گزلده سن ائتمه گمان
.
دوتماسون گوزلروی پرده ی اجلال نهان
هرکیم اولسون ائده جک دست اجل بسته دهان
.
حال زهرانی گورور شیعه لری گون تک عیان
واردی انصافون ائله متن تواریخی بیان
.
تبرئه ایلمیوب جانی لری جبر زمان
دئمسون حق سوزی اول عاقبتوندن نگران
.
قوخما گر سرخ تشیع قانیدی سنده کی قان
اولماسام مرتضوی قانی نه لازم شریان
.
مرتضی شیعه سی سن خطّ ارادتده دایان
واردی پرونده ی بیعتده مفصل جریان
.
حرم حقّه تعدّی ائلدی اهل زیان
باب باب الله اولوب آتشیله شعله فشان
.
بورودی توستی علینون ائوینی مثل دومان
هر او ناکسکه اولده قاپیا وئردی تکان
.
محسنون قاتلی دور من دیورم سنده اینان
هرکیم انکار ائلسه سویله اونا حقدن اوتان
.
هیجده ساله ئیدی سالمیدی فخر زنان
بالاسی گئتدی آنا ئولدی نه علّتله جوان؟
.
باردار عورته ضربت توخانا وئرمز امان
در و دیوار سیخاندا خانم اولدی یاری جان
.
یخیلوب ضعف ائلدی قالمادی جسمینده توان
یخیلاندا یره محسن آرالاندی آنادان
.
فاصله آچدی صدفدن گهر دانه نشان
غنچه ی باغ نبی گوردی بهارینده خزان
.
غم غباری بورودی عدنیده حورا هوروگون
زینبون خرداجا قارداشی شهید اولدی اوگون
.
فاطمه داغلی جگر اولدی دییک یا دئمیک
بالا هجرینده ملر اولدی دییک یا دئمیک
.
طایر گلشن توحیدیدی امّ النّجبا
ضربه دن صدمه لی پر اولدی دییک یا دئمیک
.
دگدی شمشیر غلافی قولونی ائتدی شکست
سندی پهلوسی خطر اولدی دییک یا دئمیک
.
بیر الیله ائلدی قبله ی طاعتده قنوت
باعثی فرقه ی شر اولدی دییک یا دئمیک
.
شمع تک یاندی سرشکین الدی دامنینه
گوزیاشی آتش تر اولدی دییک یا دئمیک
.
چخمادی ختم نبی دن صورا عمری اوچ آیا
حالی هر لحظه بتر اولدی دییک یا دئمیک
.
گون کیمی سیر ائلدی گونده اجل مغربینه
غم محاقینده قمر اولدی دییک یا دئمیک
.
امتین سامری سی کوچه ده کسدی قاباقین
تنگ اونا راهگذر اولدی دییک یا دئمیک
.
سیلینون ردّی دوشوب صورتینه سالدی لکه
فدک اوستونده نه لر اولدی دییک یا دئمیک
.
فاطمه سیلی یین گون فدکون خاطرینه
دین ائوی زیر و زبر اولدی دییک یا دئمیک
.
مرتضی دلبرینی زجر و فشار ئولدوردی
ظلم و ایذا نقدر اولدی دییک یا دئمیک
.
گوندوز ئولدی دل شب قبرینه گیزلین گئتدی
دفن ائدن یدّی نفر اولدی دییک یا دئمیک
.
گورنجه رونق آلوب ریب و ریانون عهدی
انتقام آلماقا تأخیر ائلمه یامهدی
.
وئردی اصحابینه دستور علی میر امم
حمل اولا مدفنینه پیکر بانوی حرم
.
سس سسه وئردی قناری کیمی دورت خردا بالا
آناسین اوخشادی هر تک تکی بیر نوع و رقم
.
بالالار صحنیده تابوتیده زهرا ملدی
منزل شیر خدانی بورودی بارش غم
.
باخدی تابوته دله گلدی شیرین دل زینب
آتامون اولدی تفاقی دئدی یثربده بهم
.
گئجه نون یاریسی ترک ایلیوسن منزلوی
هارا عزم ایلموسن آی منیم ایستکلی ننم
.
قارداشون اولمادی تابوتوه باری ال آتا
باجون اولمادی آچوب باشینی دوتسون ماتم
.
غربا مثلی ننه قبره آدامسیز گئدوسن
نه یازی یازمشمش گور سنه اوّلده قلم
.
قویالار کاش او تابوتی یره بیر لحظه
دولانوب باشوه بیر یولدا قابورقوندان ئوپم
.
وئره لر اذن و یا بدرقه ی تابوته
گورمگه باری او تازه ائووی منده گلم
.
عمریوون شمعی سونوب من یانورام شمع کیمی
سونمین دور شرریم سینه ی مجروحه قسم
.
آشیانون سنه امن اولمادی ای خسته هما
غصه لی منزلوی چکدی اودا اهل ستم
.
یانسا کاشانه سی هر بیر قوشون آچماز اورا پر
یوواسیندان کوسر ای مام برازنده شیم
.
دورد کیچیک نازلی بالانی نیه گوزدن سالدون
باغبانا ائلدون گل لروه لطفیوی کم
.
یری وار نای دلیم نالیه هردم گلسون
زینبون اولدی قراپوش فلک دینجلسین
.
.
#فاطمیه #انور_اردبیلی #فاطمیه_شهادت #ترکی #زبدةالاشعار
نظر دهید