او حالی ایله مجسّم که روز عاشورا #حسینیه_طوری_تبریزی

وداع آخر حضرت سید الشهداء (ع)
.
✍️ #زبدةالاشعار ✍️
.
🆔: @nohe_torki
.
مرحوم طوری تبریزی
.
او حالی ایله مجسّم که روز عاشورا
زمان عصریدی قالموشدی شاه دین تنها
.
نه حالدیدی او ساعتده زینب کبرا
دیردی قارداشی هذا وِداعیَ الأُخرى
.
ارائه ایلمیشم منتَخبده بو خبری
وداع ایدنده حسین اهل بیت خونجگری
.
بویوردی فضّیه ای خیرة النّسایه کنیز
بو افتخاریله دنیا و آخرتده عزیز
.
فلان محلَّده بیر بوقجا واردی رنگی فلان
اولوب او بوقجادا ملفوف بیر لباس جنان
.
بیر عمده مطلب اولوب بو لباسده مکتوم
ایدوبدی دوسته خلاق لم یَزَل مختوم
.
خلیله ناری او پیراهن ایلیوب گلشن
مِساسی دیدۂ یعقوبی ایلیوب روشن
.
او پیرهن منه میراث انبیادندی
گَرَک گییَم اونی اسرار کبریادندی
.
باشارسان ایلمه بو سرّی زینبه اظهار
دیوب آنام اونا بو نکته ده نه حکمت وار
.
گینده اغلوم اونی عمرونون اَواخریدی
حضور یاره گیدنده لباس فاخِریدی
.
گیدوردی فضّه گتورسون او کهنه پیرهنی
گوروب کنیزی خانم لرزیه دوشوب بدنی
.
کنیزی فضّیه فرمایش ایلدی زینب
سنه نه امر ایلدی قارداشیم ندور مطلب
.
ادَبله عرض ایله دی من بو أمره مأمورم
سنه او امری بیان ایلَماقدا معذورم
.
دیدی قسم وئرورم عصمت بتوله سنی
حسین امر ایلین سرّه آگه ایله منی
.
وفالی فضه اولوب بو قضیّه ده ناچار
بلالی زینبه اوضاعی ایلدى اظهار
.
بولوب قضیه نی ایوای دیوب اولوب بیهوش
خیال مرگیله ریگ اوسته اولدی هم آغوش
.
گلوب حسین خانم زینبون باشی اوسته
باشین گوتوردی دیزی اوسته آلدی آهسته
.
دیدی اگر ایکى اوچ قطره سیزده سو تاپولا
سَپون بونون یوزونه بلکه ضعفدن آییلا
.
جواب وئردیله یا سیّدی تاپولمور سو
حرام ایدوب بیزه مَهریۀ بتولی عدو
.
مؤثّر اولدی ز بس که امامه بو احوال
بسان چشمه گوزوندن آخیتدی اشگ زلال
.
توکولدی قارداشین اشگ تری باجی بورونه
باجی آچوب گوزونی باخدی قارداشون گوزونه
.
دوروب اوتوردی دیدی ای شقیقۀ روحیم
محیط غمده اولان فُلک صبریمه نوحیم
.
او آغلیان گوزون اولسون باجون فداسی حسین
گلیدی کاش منه باشوین بلاسی حسین
.
توکوب گوزون یاشینی باغریمی کباب ائتمه
بو رحم سیزلر الینده بیزی قویوب گیتمه
.
بویوردی باجی بو بیر امردور اولوب محتوم
گرک باشیم کسیلَه تشنه لب اولام مظلوم
.
حسینه حسرتیله باخدی دخت خیر الأنام
دیدی ادبله منی دوغمییدی کاش آنام
.
بو یرده طایر دل ایستدی ایده طَیَران
گزوب چوخور یرین اطرافین ایلیه جولان
.
سزیلدیوب قلم ألده دیدی داخی یازما
قاییت مدینیه «طوری» کلامیوی آزما
.
.
#حسینیه_وداع
#وداع
#او_حالی_ایله_مجسم_که_روز_عاشورا
#ترکی
.
✍️ #زبدةالاشعار ✍️
.
🆔: @nohe_torki