زبانحال حضرت زینب سلام الله علیها در لحظات احتضار
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
مرحوم عاصی تبریزی
.
گل یارالی گور زینبون نجه
عشقین عالمینه نشان ویرور
باغرینا باسور قانلو کوینگون
باغریقان جگر داغلی جان ویرور
.
.
هرقدرکه سندن صورا حسین
عمر ایدوب بو دنیاده قالموشام
نه یوزوم گلوب بیرنفس منیم
آدیوی دلیمدن نه سالموشام
لوح دلده تصویریوی گوروب
عطریوی بو کوینکدن آلموشام
گرچه گل خزان اولسا عطرینی
برگ شاخه گل هاچان ویرور
.
.
هربلا وغم ویردی یوز منه
چخمادیم حسین حلم و صبریدن
لیک فرقتونده اخا سنون
دیده بارشی گیچدی ابریدن
گر ئولمده من آغلارام سنه
نالم اوج ایدر عرشه قبریدن
اودلانان دلیله سیزیلدارام
منله سس سسه قدسیان ویرور
.
.
ایلینده غم لشگری هجوم
رام ایدوب باجون صبر ناقه سین
حال احتضاریمدی جسمدن
آز قالور کسه روح علاقه سین
زینبون ئولور گل جنازه سی
اوسته باری چک شال طاقه سین
یوخ گلن باشی اوسته زینبون
بیر سنه حسینیم گمان ویرور
.
.
سن حسین بولورسن ئولور باجون
واردی قان اولان دلده حسرتی
باری گل باشیم اوسته ایتگلن
ای یارالی قرآن تلاوتی
جان ویرن زماننده خوش گلور
یار ایشیتسه گر یار صحبتی
گوز آچوب گوره تسلیت اونا
باشی اوسته بیرمهربان ویرور
.
.
من دیردیم ئولسم جنازه می
حمل ایدرحسین قبرایاقینه
اکبروابولفضل وقاسمیم
هم دوشرجنازه م قباقینه
قویمادی فلک زینبون یته
دلده کی اولان اشتیاقینه
عکس آرزومه بو کوینگون
تار و پودی شرح و بیان ویرور
.
.
حال احتضارونده اونداکی
دلده ذکرون اولموشدی العطش
باشون اوسته گوردون منی اوزون
ایلنده شمریله کشمکش
اللریم یارالاندی سهلدی
قولاریم حسین اولدی نیلی وش
دل دونوب قانا اوندا ظاهره
ایندی دیده خونفشان ویرور
.
.
گرچه جان ویرنده سنون حسین
باشون اوسته من آغلیانمادیم
باجیلارکیمی باش آچوب اوگون
ساچ یولوب سینه داغلیانمادیم
نسگل اولدی بونکته زینبه
گوزلریویده باغلیانمادیم
سعی قیلدیم آخراوسعیمی
زخم جسم زاریم نشان ویرور
.
.
من سنون ملال ومصیبتون
بیردقیقه باشیمدان آتمادیم
سهلدورگیجه گوندوزآغلادیم
دردیوی اورکدن چخاتمادیم
سن کول اوسته قارداش یاتان گیجه
صبح اولونجاهیچ منده یاتمادیم
آغلادیم دیدیم هاردا گور عدو
قارداشیما یارب مکان ویرور
.
.
فکروصلویله همان گیجه
دل یانوردی نار فراقیده
صبح اولاندا گوردوم جداده من
باشوی بیر اوزگه سیاقده
مه یوزونده خاکستراگلشوب
آی قالوبدی گویا محاقده
نیزه اوسته چون ماه یک شبه
بیربیره نشان کوفیان ویرور
.
.
زینبه بولوردیم علاقه وی
اوّلیندن ای سرور حجاز
بیرگیجه ولی آیری دوشماقون
آچدی زینبه یاخشی باب راز
ایستدون باجون اولماسون خجل
ایلدون عجب وقته پیشواز
ایلدون منی سرفراز اوگون
شرح اونا بو قدی کمان ویرور
.
.
سن جداده من سوز قلبیله
محمل ایچره مشغولیدیم سنه
کثرت ایچره تاپموشدی وحدتی
زینبون یتشموشدی ایمنه
من سنه دیردیم اورکده کی
دردیمی اشاره یله سن منه
دمبدم گوروردوم او درد دل
مرده جسمه روح و روان ویرور
.
.
حیف اولا جفااهلی ظلمدن
بیرزمان آنام اوغلی دویمادی
جسمدن تعدی لباسینی
قوم کینه بیرلحظه سویمادی
بیر دویونجا بیز درد دل ایداخ
اول عجوزه دهر قویمادی
راس پاکوی سالدی زحمته
سانمادی اذیت سنان ویرور
.
.
داش یرین باشوندا گورن کیمی
گوزلریمده تار اولدی گوندوزوم
باشیمی وروب چوب محمله
قالمادی یانان قلبده دوزوم
باش یاریلدی باشیمدن آخدی قان
قانیله بویاندی یوزوم گوزوم
علقۀ دل زینبی نشان
عالمه او زخم و او قان ویرور
.
.
هرقدربلا یتدی باشوه
محنتی ختامه یتشمدی
ساعت بلای مُقدّری
شامه دین تمامه یتشمدی
غملو گونلری طول چکدی چوخ
گون اگیلدی شامه یتشمدی
شامده ولی بیر گون اولدی شام
شرحنی دل ناتوان ویرور
.
.
کاش حسین یتیدی همان گیجه
زینبون بو عمری نهایته
اولمییدی یا صبح تازده ن
دوشمییدی باشون اذیته
سالمییدی گل تک دوداقلارون
خیزران آغاجی مشقته
فکریمه بو گلمزدی باشیوه
بیرده دردسر خیزران ویرور
.
.
«عاصیا» عجب وقته ایلدون
زینبه توسل امیدیله
جان ویرنده سن قارداشی حسین
شاد ایدر یقین خوش نویدیله
بیله دور بیری اولسا منتسب
بو جهاندا شاه شهیدیله
حق اوزی اونا وعده ایلیوب
آخرتده اودّان امان ویرور
.
.
.
#زینبیه_شهادت
#گل_یارالی_گور_زینبون_نجه
#عاصی_تبریزی
#ترکی
.
.
نظر دهید