عشقیمیز عباس آقادی
.
✍️ زبدة الاشعار ✍️
.
🆔: @nohe_torki
.
احد ظهرابزاده (واصف مرندی)
.
آرزیمیز کربلادی عشقیمیز عباس آقادی
لایق مرحبادی عشقیمیز عباس آقادی
الی الدن اوجادی عشقیمیز عباس آقادی
.
.
فضلا منسب و القابینه احسن دئدیلر
عزت و شوکت نایابینه احسن دئدیلر
روش و منطق و آدابینه احسن دئدیلر
او علمداریدن اربابینه احسن دئدیلر
میر صاحب لوادی عشقیمیز عباس آقادی
.
.
بشریتده زبانزدّی نژاد و نسبی
درس عبرتدی مؤدبلره عباس ادبی
دوشدی دیلدن دیله بو باب الحوائج لقبی
قویدی حیرتده فضایلده سران عربی
دیللره دوشدی آدی عشقیمیز عباس آقادی
.
.
فاطمه درگهینه باب ادبدن کیچیلیب
بویونا رخت وفا زینب الیلن بیچیلیب
لوح ایثاره آدی قانلی خطیلن سچیلیب
واقعا لایقدی عترته سقا سئچیلیب
ساقی باوفادی عشقیمیز عباس آقادی
.
.
قربانام لشگر اشراری قیران اللرینه
فاطمه عترتینه خیمه قوران اللرینه
آتاسی حسرتیلن بوسه ویران اللرینه
تلین اوستونده امان نامه جیران اللرینه
الی مشکل گشادی عشقیمیز عباس آقادی
.
.
چونکی شیر اوغلودی صولتدن ائله شیره چکیب
شاه مردان کیمیدی قامتی تصویره چکیب
یوسفین سوره سینی گوزلری تفسیره چکیب
عشقی چوخلارینی دنیا بویی زنجیره چکیب
عشقی بی انتهادی عشقیمیز عباس آقادی
.
.
ذات حق دست عطا و کرمی وئردی اونا
حیدری هیبتی عیسایی دمی وئردی اونا
شهدا شاهی امور حرمی وئردی اونا
ئوپدی مولا ئوپن الدن علمی وئردی اونا
آدی عالم آرادی عشقیمیز عباس آقادی
.
.
مه جبینینه نشان مهر سجود عباسه
کور اولار باخسا اگر چشم یهود عباسه
گوندرن یرده ولی عصر درود عباسه
لایق اولماز بو قدر شعر و سرود عباسه
عزتیلن یاشادی عشقیمیز عباس آقادی
.
.
حیدری غیرتینه عشقیلی جانلار قربان
او اوجا قامتینه سرو روانلار قربان
کسیلن قولارینا سینه ویرانلار قربان
بو جوانمرده لیاقتلی جوانلار قربان
میر صاحب لوادی عشقیمیز عباس آقادی
.
.
قلم ایستیر گوتوره مسئله نین اورتوگونی
وارلوقون ثابت ائدیب عالمه عاشورا گونی
دئدی گر ائتسم اراده آچارام هر دوگونی
اللریم اوسته اگر قویسالا آییله گونی
پوزمارام اعتقادی عشقیمیز عباس آقادی
.
.
کیم گوروب غزوه لری بولسون علی مظهریم
قورویوب مشکلریم علقمیزه مشترییم
ائشیدین آگه اولون حیدریم حیدریم
افتخاریم بودی عالمده حسین نوکریم
آیری سوز ناروادی عشقیمیز عباس آقادی
.
.
واردی شأنیمده ز بس شهرت بین المللیم
دئدیگیم سوزلریمه واردی یقینا عملیم
پوزارام نظم صفوفی علویدور جدلیم
باشیزه اود توکرم تیغه اگر گنسه الیم
قابل ادعادی عشقیمز عباس آقادی
.
.
قرعۀ فتح قرض حالینه شامل چیخدی
دئدیگی سوزلرینه بیربه بیر ،عامل چیخدی
امتحانی چتینیدی ولی کامل چیخدی
سویی تا سپدی گویه نفسه مقابل چیخدی
غیرتی با صفادی عشقیمیز عباس آقادی
.
.
عشقه شدت یتوروب نفسینی خوار ائتمیشدی
ظاهر اصلانلاری میداندا شکار ائتمیشدی
چوخی جانین گوتوروب فوری فرار ائتمیشدی
چیگنینی پرچمیلن مشکی قبار ائتمیشدی
فاتح ماجرادی عشقیمیز عباس آقادی
.
.
تا نیستان آراسی وئردی ادامه یولونا
ائتدی شداد ستم بد نظری صاق صولونا
بیرده عالمده اینانما او جنایت اولونا
بولمورم گلدی نه لر مشکینه بیر جوت قولونا
قول دوشوب باش یارادی عشقیمیز عباس آقادی
.
.
گئتدی ادرک سسی اخیامه عمود ردیندن
دئدی گل داده آقا گچدی بلا حدیندن
باخیب آختارما نشان قارداشیوین قدیندن
هم آناندان اوتانیر روحیم همی جدیندن
سوزلری بی ریادی عشقیمیز عباس آقادی
.
.
.
#عباسیه_مدح
#آرزوموز_کربلادی_عشقیمیز_عباس_آقادی
#واصف_مرندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید