اکبرین شهلا گوزی
.
✍️ #زبدةالاشعار ✍️
.
🆔: @nohe_torki
.
عبّاسعلی یحیوی «ائلچی»
.
اکبرین شهلا گوزون خلق ایلیه ن خلاقه باخ
اول قرا گوزدن محبت نوش ائدن مشتاقه باخ
.
.
کیمدیر اکبر؟ شبه پیغمبر، حسین دردانه سی
ناز مستان گوزلری، شیدالیقین میخانه سی
هر گوزی جان تیتره دن، مجنونلقون پیمانه سی
بو گوزون محو تماشاسی اولان عشاقه باخ
.
.
ماه سیما اکبرین شهلالرین روز ازل
خلق ائدنده چوخ ظرافتلن خدای لم یزل
وجد و شوریلن اوخوردی حوریلر شعر و غزل
صف به صف حورانی گور، حورا دولى آفاقه باخ
.
.
گور نئجه نقاش خلقت چکدی آهو گوزلری
یئرگویی جذب ائتدی بیر سحریله جادو گوزلری
کلمه لر عاجزدی وصف ائتسین أو دلجو گوزلری
نارسادیر شعرلر، گل دفتر و اوراقه باخ
.
.
مردمکلر کنج لبده نقطه ی «با» دن گوزل
دوره سینده کیپریگی گیسوی حورادن گوزل
هر بیری زیبا، بیر عالم چشم شهلادن گوزل
آت شبق فیکرین باشوندان، گوهر برّاقه باخ
.
.
هانکی بیر گوز کی ساتاشدی اکبرین شهلاسینه
جان و دلدن غرق اولوب عشقین درین دریاسینه
دین و ایمانین اوتوزدی اول گوزون سوداسینه
صیده باخ صیادی گور آهو گَزَه ن اوولاقه باخ
.
.
گوزلری عیناً رسول عالَمِینین گوزلری
ناز مست و حیرت افزا حور عینین گوزلری
قوی دئییم شمس هدی مولا حسینین گوزلری
محو و مبهوت تماشا صف به صف نُه طاقه باخ
.
.
گلدی آغلار گوزلریلن محضر خیر الانام
سینه ده اللر ادبلن، لبده تکبیر و سلام
من سنون قربانووم آماده گلدیم اذن آلام
بو جواندا احتشام و حرمت و اخلاقه باخ
.
.
باخدی شاهنشاه دریادل ائشیتدی سؤزلرین
قامت رعنائی گوردی رعشه دوتدی دیزلرین
بوسه باران ایله دی دلبندی نین نرگیزلرین
روبرو آیینه تک تصدیقه باخ مصداقه باخ
.
.
تاپدی جرأت، آلدى رخصت گئتدی اکبر گلمه دی
گوزلریلن آلدی طاقت گئتدی اکبر گلمدی
تاپدی سرعت، قیردی اُلفت گئتدی اکبر گلمدی
ایندی قاندا چیپچالانمیش یار سیمین ساقه باخ
.
.
دامه سالمیش اوچیلار بیر نازنین دلپسند
اوخ یاغار، حنجر پاریلدار، اوینار افعی تک کمند
بیر طرفده تور گستر رهزنان راهبند
بیر طرفده آهوی رزم آور قبراقه باخ
.
.
مرتضانی یاده بیر سال، کربلاده جنگی گور
ماهیِ آزاده باخ، دورد دووره ده خرچنگی گور
دیده شهلا – صیده بیر باخ، عرصه گاه تنگی گور
نیزه و زوبین و تیر و خنجر و شلّاقه باخ
.
.
گوز یومولموش غنچه تک، کیپریکلرین قان باغلاییب
بوقچایا گویا قاپاقلار دُرّ رخشان باغلاییب
یورغون ایمیش هوش آپارمیش چشمین الآن باغلاییب
عالمه مسدود اولان دروازه ی اشراقه باخ
.
.
نرگس مست و خمارین دوتدى آلقان پرده سی
سیندی شاخ نسترن تک لیلی نین پرورده سی
باغبانه چاتدی آخر لاله نین پژمرده سی
صرصر شوم خزاندا نشر اولان اوراقه باخ
.
.
لیلی بیچاره اوّل سیلدی شهلا گوزلرین
اوپدی مین حسرتله زیبا اوغلونون نرگیزلرین
#ائلچی تک افلاکه عرض ائتدی بو نوعی سؤزلرین
بارالها قانیلن امضاء اولان میثاقه باخ
.
.
#اکبریه_یحیوی_اردبیلی
#اکبریه_شهادت
#اکبرین_شهلا_گوزون_خلق_ایلیه_ن_خلاقه_باخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید