ایا شاه خراسان ولا ملکینه سلطان #رضویه_مصیبی_تبریزی

«جانیم شاهه فدادی»
..
..
..
..
..
#سبک
..
..
..
..
مصیبی تبریزی
..
..
..
..
..
ایا شاه خراسان – ولا ملکینه سلطان
فروغ ِ حرمیندن – سرافرازاولوب ایران
چراغ شب ظلمت – شفابخش مریضان
گوزوم وار کرمینده – اولوم قبریوه قربان
..
((رضانین گوزل آدی – نه درد اولسا دوادی))
..
..
..
..
..
شمیم خوش رحمت گلور صحن حرمدن
تلألو تاپوب عالم اَسَن یاشیل علمدن
وار امید کرامت در شاه کرمدن
غریب الغربادی – آدی درده دوادی
..
..
..
..
..
طواف ایلوری دائم او اقلیمی ملکلر
شمیم نفسیندن دوشوب چرخه ، فلکلر
کمالات رضادن صفا تاپدی ئورکلر
دُر ِ کنز وفادی – آدی درده دوادی
..
..
..
..
..
رضا شمع هدایت رضا شاه ولایت
سُلالِ نبویدن بو ، ایرانه امانت
کیم اخلاصیله گلسه آقام ایلر عنایت
مُعین الضعفادی – آدی درده دوادی
..
..
..
..
..
جلال و جبروتی دوتوب کل جهانی
کیم اخلاصیله دوگسه در ِ شاه شهانی
بو دنیا تاپار عزت او دنیاده جنانی
امیر الامرادی – آدی درده دوادی
..
..
..
..
..
خوشا کفتر عشقه اوچور بام طلادن
آلور فیض مداوم شهنشاه ولادن
وارعشقون گرحسینه بونی ایسته رضادن
هدف کرب وبلادی – آدی درده دوادی
..
..
..
..
..
اگر واردی مریضون رضایه یاز عریضه
آقام ایلر عنایت هم اوجه هم حضیضه
گر اذن اولسا خدادن ائدر چاره مریضه
یادی قلبه صفادی – آدی درده دوادی
..
..
..
..
..
غم و غصه دن آلله ئورکده شرریم وار
دولوبدی گوزیمه قان زبس اشک تریم وار
خراساندا ولیکن منیم تاج سریم وار
کرامت لی آقادی – آدی درده دوادی
..
..
..
..
..
«مصیب» نظر ِعشق لیاقت لی گوز ایستر
خراسان شهی سندن بلاغت لی سوز ایستر
ریاشعریوه قاتسان شه ِعشق اوجوز ایستر
جانیم شاهه فدادی – آدی درده دوادی