زبانحال حضرت لیلا (س) در بالین حضرت علی اکبر (ع)
.
✍️زبدة الاشعار✍️
?: @nohe_torki
.
مرحوم صافی تبریزی
.
آغلار قالوبدی آنان
ای وای اوغول وای اوغول
یوخدور بو حاله یانان
ای وای اوغول وای اوغول
.
صبحه تک ایل گجه لر بیر عمر یاتمازیدیم
یاتموش گورنده سنی بیر آن اویاتمازیدیم
بیر دم وصالیوی من دنیایه ساتمازیدیم
نیلوم دئموم علی جان ای وای اوغول وای اوغول
.
بیرده علی وطنه سنسیز نجه گئدرم
اوز اوغلونا آنالار طوی ائتسه من نئدرم
روز زفافون اوغول هر دم که یاد ائدرم
قیلّام دویونجا فغان ای وای اوغول وای اوغول
.
باتدی سسیم نفسیم وئر بیرجه سس بو سسه
اسکات ائدوم اؤزومی بیرده گلوم هوسه
سنده نفس یوخ آنان وئرسون نفس نفسه
هرادا چخوبدی بو جان ای وای اوغول وای اوغول
.
کیم پاره پاره ائدوب بو گل کیمی بدنی
کیم گیدیروبدی سنه قاندان بو پیرهنی
بو غربت اؤلکه ده کیم آواره قویدی منی
یانسون بو حاله قویان ای وای اوغول وای اوغول
.
سنسیز بو گوز یاشیمی کیم لر سیللّر علی
لیلانی بوللم اؤزوم مجنون بوللّر علی
گاهی شماتت ائدوب گاهی گوللّر علی
ایللّه باغریمی قان ای وای اوغول وای اوغول
.
نه تک آنان ایلیوب بو زلفه بسته گوگل
هر بیر تئلینده اوغول وار مین شکسته گوگل
باشون دالینجا دوشر بیر دسته خسته گوگل
شامه کیمی علی جان ای وای اوغول وای اوغول
.
نه سن جوانه عدو رحم ایلیوب نه منه
دوندردی گل جسدون اوراق اولان سمنه
یتموب بو ساعته دین بیر باغه بیر چمنه
هرگز بو نوع خزان ای وای اوغول وای اوغول
ــــــــــــــــ
واگیرها از #مصیبی_تبریزی
سودای دله باخدون
اولدوز تک نه تئز آخدون
یاندیردون منی یاخدون
علی جانم
.
ای تاج سر لیلا
وی بال و پر لیلا
سن سن دلبر لیلا
علی جانم
.
محبوب ازلی سن
لوح غم غزلی سن
لیلانین گوزلی سن
علی جانم
.
آرام دل لیلا
نور محفل لیلا
حل مشکل لیلا
علی جانم
ــــــــــــــــ
#اکبریه_شهادت
#کوچ_کربلا
#آغلار_قالوبدی_آنان_ای_وای_اوغول_وای_اوغول
#صافی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید