زبدةالاشعار

ایلر منه چوخ محنت غربت اثر عمه #حضرت_رقیه #حقیر_خویی

زبانحال زهرای سه ساله(س) در ویرانه شام
.
✍️ زبدة الاشعار ✍️
.
?: @nohe_torki
.
مرحوم میرزا عبدالوهاب حقیر خویی
.
ایلر منه چوخ محنت غربت اثر عمه
یوخدور سوروشان حالیمیزی بیر نفر عمه
.
.
شام اهلی ائدر هر بیری بیر نوع شماتت
گوزلولله پیمبرله عجب حقّ قرابت
اولادینین حقّینده ائدللر نجه حرمت
گور شامده بو امت بیدادگر عمه
.
.
قویمور منی غصه گوز آچام درد و بلادن
هر لحظه اذیت گورورم اهل جفادن
ال چکموری بولمم نیه من بختی قرادن
آرتار غم دردیم گونی گوندن بتر عمه
.
.
تا کی اولاجاق گوشه ی ویرانه مکانیم
ای عمه یاخوندور قوری یرده چیخا جانیم
ناله ائدرم عرشه چیخار آه و فغانیم
بلبل کیمی بو شامیده شام و سحر عمه
.
.
تپراقلارین اوسته گجه گوندوز قوری یرده
یاتماقدان اوساندیم ندی بس چاره بو درده
رنگیم سارالوب گل کیمی بو عارض زرده
چون قطره ی شبنم دوزولوب اشگ تر عمه
.
.
هر چند دیورسن سفر ایلوب بابام اما
بی اصل اولاجاق یوخ بو سوزه باوریم اصلا
هر کیمسه زیارت سفرینه گئدر آیا
اولادینی زنجیره چکلّر مگر عمه
.
.
بالمرّه یقین حاصلیم اولدی بو خبردن
بولدوم که بابام گلمیه جاق بیرده سفردن
اولادینی سالمازدی بو عالمده نظردن
ویرانیه البته ائدردی گذر عمه
.
.
مندن بتر عمه سنون آشفته دی حالون
گر ساقدی بابام بس هانی اوّلکی جلالون
ویرانه ده ساخلالّا مگر اهل و عیالون
هر کیمسه ائده بیت خدایه سفر عمه
.
.
یاتدی یوخودا اوز آتاسین گوردی سکینه
دوردی دیدی ای عمه هانی شاه مدینه
گلمیشدی نه تیز گیتدی علاج ایت بو حزینه
ورنه ایدرم عالمی زیر و زبر عمه
.
.
آلدی منی آغوشه قولون بوینوما سالدی
بیر بیر سیزون احوالیزی مندن خبر آلدی
تا بزم یزیدی ایشیدوب رنگی سارالدی
اوضاع او مجلسدن اولوب با خبر عمه
.
.
بیماری سوروشدی دیدیم آزرده دی تبدار
کیمدور دیدی ویرانه ده بیماره پرستار
عرض ایلدیم عمه م اونا همدم منه غمخوار
اوز جانین ایدوب تیر بلایه سپر عمه
.
.
فرمایش ایدوب بس نیه رنگین بیله سولدی
فی الفور دیدیم درد فراقون سبب اولدی
بوینومدا کی زنجیره باخوب گوزلری دولدی
چوخ آغلادی ایتدیقجا یوزیمه نظر عمه
.
.
جایز دگی هیچ دین ده قولی باغلی اسیره
زنجیر ووروب ظلم ایده لر طفل صغیره
بو دسته حضّاریله شرمنده (حقیره)
محشرده شفاعت ایدرم مختصر عمه
.
.
.
#سبک_ای_باد_صبا_کرببلایه_گذر_ایله … بیش از 7 سبک
.

.
#حضرت_رقیه_شهادت
#ایلر_منه_چوخ_محنت_غربت_اثر_عمه
#حقیر_خویی
#ترکی
.
✍️ #زبدةالاشعار✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی