زبدةالاشعار

ای اللری خورشیده اولان مَشعله گردان #بیدق_داری #حضرت_معصومه

در مدح حضرت معصومه سلام الله علیها
#گریز به #کوفه
.
✍️ زبدة الاشعار ✍️

?: @nohe_torki
.
.
حاج داود بیدق داری
.
.
ای اللری خورشیده اولان مَشعله گردان
جِبریل اولان دور حریمینده نگهبان
درگاهی شرف کعبه سی سرمایۀ ایمان
سندندی اگر گلشن اولوب کشور ایران
هر بیر باخشون درده اولار نسخۀ درمان
یا حضرت معصومه گوزل قبریوه قربان

.
.
دگدی نفسون یئر دیریلوب لاله اوجالدی
یاز خیمه قوروب چولده طبیعت نَفَس آلدی
چای داشدی بولاغ جوشدی ، بوداق کولگه نی سالدی
غم جامینی مست اولدی هَزاره بئره چالدی
لطفون ائلیوبدور اونی گلشنده غزلخوان
یا حضرت معصومه گوزل قبریوه قربان

.
.
قویدون قدمون یئر یوزونه توپراق اوتاندی
ئوپدی ایاقوندان ئوزونه هر نه قازاندی
تیترتدی ئوزون قوشدی یئله سس اوجالاندی
های دوسدی بوتون ئولکه لره ائللر اویاندی
هر ائلده سنون آدون اولوب صحبته عنوان
یا حضرت معصومه گوزل قبریوه قربان

.
.
میلادیوه خاطر یئره گویدن نظر اولدی
قورتاردی قرانلوق گئجه آیدین سحر اولدی
دیل سویلدی دلبر سوزی دوندی شکر اولدی
عشق و شرف و حُجب و حیا بختور اولدی
مِهریله وفا اولدی بو اعزازه ثناخوان
یا حضرت معصومه گوزل قبریوه قربان

.
.
مدیوندی سنه شهر قم ای بانوی عصمت
الله سنه خاطر وئروب اول شهره فضیلت
سندندی که تدریس اولونور درس امامت
گون تک یایور ئوز شعشعه سین نور ولایت
فیشیه سنوندور که وئرور فیض فراوان
یا حضرت معصومه گوزل قبریوه قربان

.
.
الله که منزّهدی اونون جلوۀ ذاتی
افلاکه وئروب نظمیله سیرینده ثباتی
دائمدی عوالِمده الهی برکاتی
بیر جّدیوه خاطر یارادیب یئرده حیاتی
سن باعث خلقت قیزیسان اشرفِ انسان
یا حضرت معصومه گوزل قبریوه قربان

.
.
#گریز
#حضرت_معصومه_ورود_قم
#23ربیع
#کوفه
.
.
سن وارد اولان وقته قُما حُرمتون اولدی
اطرافیوی عاشقلر آلوب گوزلری دولدی
بیلمم ولی اول کوفه ده بو شیعه نجولدی
جمعیّتی زینب که گوروب صورتی سولدی
عمّونده اولان صبر ائلیوب عالمی حیران
یا حضرت معصومه گوزل قبریوه قربان

این متن را هم بخوانید:  توكمه اشگون ایلمه بیر بیله افغان باجون اولسون #حسنیه #صحاف_تبریزی

.
.
بیله یازیلوب قانلی باشی ووردولار اوردا
آغلاشدی هامی محشر اولوب زینبه برپا
قول باغلیدی مجنونی ولی نیزه ده لیلا
باخدیقجا دئیردی نه سولوبسان گُلِ زهرا
آگهسن ئوزون قیلدی نئجه ناله و افغان
یا حضرت معصومه گوزل قبریوه قربان

.
#حضرت_معصومه_مدح
#حضرت_معصومه_میلادیه
#ای_اللری_خورشیده_اولان_مشعله_گردان
#یا_حضرت_معصومه_گوزل_قبریوه_قربان
#بیدق_داری
#ترکی
.
✍️ #زبدةالاشعار ✍️

?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی