زبدةالاشعار

ستونِ عرشِ اَلرَحمان یخیلدی #امانی_اردبیلی

#عاشورا_گونی
رجز روز عاشورا
.
✍️ زبدة الاشعار ✍️

?: @nohe_torki
.
حاج علیرضا امانی اردبیلی
.
ستونِ عرشِ اَلرَحمان یخیلدی
حسین ابن علی آتدان یخیلدی
.
هیاهو دوشدی ناگه کربلایه
ائدوبلر حمله کرکس لر همایه
آلوبلار روح قرآنی ارایه
بولوبلر سوره سوره آیه آیه
چخوب شیرازه دن قرآن یخیلدی
.
حسین کی باشلادی راز و نیازه
ئورگ قانین ائدیب سو دستمازه
رعیت ساحت شاه حجازه
قدم ناگه قویوبلار بی اجازه
گوروبلر تپراقا سلطان یخیلدی
.
آخوب مقتلده خون رَبُّ ا لاَعلی
یازوبدی لا اِ لَه الاّ تعالی
دوشردی جلوه دن شمس تجلی
اِئدَ َنده قتلگاهینده تقلّی
نظام گردش دوران یخیلدی
.
گَلَنده مقتله شمر ستمگر
ذبیح اعظمه اولدی برابر
حق اکبر دئدی الله و اکبر
سو اوسته تیتردی قانلی بیلکلر
کَانَُه ماهِ نخلستان یخیلدی
.
گوروبلر زینب عالی کمالی
هراسان تَلّی اندی دست خالی
دِئدی شمره دایان ای لا ابالی
عزادار ائتمه حیّ ِ ذوالجلالی
اوتان ای میزبان مهمان یخیلدی
.
وجودین ائِتدی اوخلار پاره پاره
دوشوبدی قلب ثار الله فشاره
ایاقون قویما قبرِ شیر خواره
چکیل بیگانه باخسون یار یاره
سیه پوش اولدی جانان جان یخیلدی
.

متن پیشنهادی:  بیله تیکمه گوزلریوی یولا باجی قارداشون گتورنمدیم #عباسیه_لاادری

#عاشورا
#قتلگاه
#ستون_عرش_الرحمان_یخیلدی
#امانی_اردبیلی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی