ای جماعت من حسینون شیر بی پرواسیم #عباسیه_حزین_خسروشاهی

رجز حضرت ابوالفضل (ع)
..
..
..
..
مرحوم حاج حیدر خسروشاهی
..
..
..
..
ای جماعت من حسینون شیر بی پرواسیم
آل طاهانون بو چولده تشنه لب سقاسیم
..
..
..
..
بیر به بیر گیتدی مجاهدلر بویاندی قاننه
باش ویروب هر تک تکی جان بذل ائدوب جاناننه
بزم ایفا قوردولار عهد ازل پیماننه
جانفشان بیر عده نون دفترده سرطغراسیم
..
..
..
..
ساقی وحدت الیندن ایچمیشم جام الست
ایلیوب اول ساغر باقی منی بیر نوع مست
هیچ پیش آمد منیم پیمانیمه ویرمز شکست
شور عشقین شیر مست بیشه هیجاسیم
..
..
..
..
من شجاعت درسینی شیر خدادن آلمیشام
مشق جانبازی ولیّ کبریادن آلمیشام
بو وفا رسمین او میر رهنمادن آلمیشام
شیر یکتانون بو چولده مظهر یکتاسیم
..
..
..
..
من بوگون جانان یولوندا باش و جاندان گئچمیشم
باش و جاندان گئچماقیمدا امتحاندان گئچمیشم
اولماقا اسلامه قربان منده ساندان گئچمیشم
ائتدیقیم عهد الستین شایق ایفاسیم
..
..
..
..
بو شه بی لشگره فرمانده لشگر منم
تشنه لر سقاسی شبل فاتح خیبر منم
شیر میدان شجاعت وارث حیدر منم
کربلا سلطانینون سردار بی همتاسیم
..
..
..
..
شاه دین گر ویرسه اذن جنگ ای قوم کَفَر
ایلرم بو لشگری بیر حمله ده زیر و زَبَر
قویمارام سیزدن دیری قالسون بوچولده بیر نفر
ایلرم ثابت حسینون شیر بی پرواسیم
..
..
..
..
یا گرک من قویمیام اولسون سوسوزلار اشگی یم
یا گرک اولسون بو مشگ اوستونده بو قوللار قلم
مقصدیمدن بندبند اولسامدا من ال چکمرم
بو فرات اوسته سوسوز فیض ازل جویاسیم
..
..
..
..
راضیم لشگر بو گون دین اوسته صاق و صول ویروم
جسمیمه هر نه خدنگ ظلم گلسه یول ویروم
حاضرم بیر مشگ سو عشقنده حتی قول ویروم
من وفا بازارینون سرگرم پر سوداسیم
..
..
..
..
گلسه هر اوخ ایلرم من جان و دلدن پیشواز
یوخ غمیم اوخدان پر آچسا پیکریم چون شاهباز
بیر بو سو مشگیم سلامت قالسا اولّام سرافراز
اصغرین بو مشگله چون عامل احیاسیم
..
..
..
..
وقفدور جانیم بوگون ایقوم کافر مشگیمه
رحم ائدون اوخ وورمیون ای رحمسیزلر مشگیمه
خیمه لرده گوز تیکوب آل پیمبر مشگیمه
گوز یولا تیکمیش سوسوزلار مأمن و ملجاسیم
..
..
..
..
خیمه لردن اوج ائدوب افلاکه بانگ العطش
تشنه لب گل یوزلی قیزلار رنگی سولموش غنچه وش
ایلیوب سوز عطشدن اصغر شهزاده غش
من او گل یوز شیر خوارین بلبل شیداسیم
..
..
..
..
ای علمدار و سپهسالار شاه کربلا
سائل بابون «حزینم» دردمند و مبتلا
دردیمه باب الحوائج سن اوزون ایله دوا
دوت الیمدن درد و محنت غرقۀ دریاسیم
..
..
..
#عباسیه #حزین_خسروشاهی #عباسیه_شجاعت #ترکی #زبدةالاشعار