بیر بلبلم خزانه دونوب گلشنیم منیم #حضرت_رقیه_سیدبشیرحسینی

زبانحال حضرت رقیه سلام الله علیها
.
✍️ زبدة الاشعار ✍️
.
🆔: @nohe_torki
.
سید بشیر حسینی میانجی
.
بیر بلبلم خزانه دونوب گلشنیم منیم
کنج خرابه اولموش اودور مسکنیم منیم
.
گوردوم گوزومله گوللریمین پرپراولماقین
سو اولمادی سارالدی سوسوز سوسنیم منیم
.
یتمیش ایکی گوله منی حسرت قویوب فلک
چیخسا سزادی نه فلکه شیونیم منیم
.
اوچ یاشدا بیر قیزام منیم آدیم رقیه دی
بی رحم و بی مروتّیدی دشمنیم منیم
.
کرب و بلاده آغ گونومی قاره ائتدیلر
علت اودورکی قاره دی پیراهنیم منیم
.
یاندیردی شمر خیمه لری غارت ایلدی
یانمادی بیرجه حالیمه اهریمنیم منیم
.
ال آتدی دوتدی دامنیمی اود خیامیده
قاچدیم قاچاندا شعله چکوب دامنیم منیم
.
ای جان آلان بوجانیمی گل آل یورولموشام
دارلامان اولار حرم ایمنیم منیم
.
نصف شبی کچوبدی هله آغلیور بشیر
قویماز یاتا مین عاشقی بیر احسنیم منیم
.
عرض ایلیور الهی بو شعری قبول ائله
یازدی امیدیلن قلم الکنیم منیم
.
.
.
#حضرت_رقیه_شهادت
#بیر_بلبلم_خزانه_دونوب_گلشنیم_منیم
#حضرت_رقیه_سیدبشیرحسینی
#ترکی
.
.
✍️ #زبدةالاشعار ✍️
.
🆔: @nohe_torki