شهادت حضرت زهرا سلام الله علیها
زبانحال حضرت امیرالمومنین علی علیه السلام
.
✍️ #زبدةالاشعار ✍️
.
🆔: @nohe_torki
.
محمد هوشمند
.
مدینه گرچی بو گونلر دیار غربت دی
سنون وجودیویله رَشک باغ جنت دی
.
اگر چی گلشنیمی سولدوربلا ظلمیله
بو ایوده هر نفسین چون نسیم رحمت دی
.
بو دورت گولون سنیله وار طراوتی زهرا
گوله نوازش ائده باغبان ضرورت دی
.
نه ظلم اولوب سنه زهرا منه آچیب دئمدون
کی لحظه لحظه عومرون منه حمایت دی
.
نه تئز چیخاتدی یادیندان غدیری شاهدلر
بو امت ایچره ندن بیله شک و غفلت دی
.
آتان اولن کیمی غصب ایلییوبله حقیمیزی
بیان حقیمه یانمیش قاپیم کفایت دی
.
فدک بهانه دی سوز حق و باطلین سوزودور
سبب بو ظلملره کهنه بیر عداوت دی
.
آتان وصیتی دی آلمیام اله شمشیر
منی حلال ائله سندن علی خجالت دی
.
او قدرتیم وار آلام حقیمی اوزون بیلیسن
سکوت و صبره سبب بیر مقدس علت دی
.
گرکدی صبر ایلیه م دین حق ایاق دوتسون
جداله اولسا نظر قوللاریم سلامت دی
.
اذان سسی کسیلر حقمی اگر آلسام
دییه لّه شیر خدا تشنه ریا ستدی
.
اگر چتیندی ولی سنده صبر ائله زهرا
فنا جهاندا بیزه درد و غصه قسمت دی
.
آدامسیزام بیلوسن گل علینی تک قویما
نه آیریلق سوزودی نه زمان فرقت دی
.
شکسته گویلومه بیر باخماقیلا رونق ویر
سینه م غمیله دولوب طالب طبابت دی
.
بو قدری ایلمه تکرار آیریلیق سوزونی
بو سری بیلسه اگر زینبیم قیامت دی
.
اگر چی آیریلاجاق جمله یار یاریندن
دانیش منیله دانیش دم هله غنیمت دی
.
گوزوم باخا باخا دوشدون بیله طراوتدن
ائدیم نه چاره کی گلشن دچار آفت دی
.
یقین حسینله زینبده امتحان ویره جاق
بلی دین لره جام بلا سعادت دی
.
قاپوندا کی یانان اود کربلایه یول تاپاجاق
خیام عشق گوررسن او چولده غارتدی
.
چاغیرسا داده سنی زینبیم اگر، تز گل
الست عالمینون وعده سی او ساعت دی
.
گورنده قارداشینی تشنه خنجر آلتیندا
نشان وئره ر که نجه حامی ولایت دی
.
حسین و زینب ائده ر حفظ دین و قرانی
اساس ظلمی یخان دهریده او نهضت دی
.
قلم دایاندی اوزون شاعره عنایت ایله
کی سوز آغیردی و شاعرده بی بضاعت دی
.
.
#فاطمیه_شهادت
#مدینه_گر_چی_بو_گونلر_دیار_غربت_دی
#محمدهوشمند
#مدهوش
#ترکی
.
✍️ #زبدةالاشعار ✍️
.
🆔: @nohe_torki
نظر دهید