ای سالان جمال منوری نور شارقی اعتباریدن #کوفه_دلپاک

زبان حال حضرت زینب (س) در کوفه
به رأس مطهر امام حسین (ع)
..
. .
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
….
..
رضا غلامپور(دلپاک)
..
..
..
..
..
ای سالان جمال منوری نور شارقی اعتباریدن
وی گلوب جداده خلاص ائدن غملی زینبی انتظاریدن
..
..
..
..
..
رأس نی ده رأسین مقام ائدیب عزتیله ای خسرو مبین
محو اولوب تجلای رأسیوه خاصه حالیله جمله اهل کین
عین شأنیدور عین معرفت لیک راه حقده بو غم یقین
اهل حقه کی ایلیوب دفاع امر حضرت کردگاریدن
..
..
..
..
..
ای جمالونون جمله جلوه سی منشٱ تمام تجلیات
محویدور تجلای حسنوه عرصه گاه عالمده ممکنات
منعکسدی سندن عوالمه جلوهٔ خداوند کائنات
دهریده بریدور مسلماََ سن تک آینه هر غباریدن
..
..
..
..
..
صنعتینده بس شاهکار ائدیب امر صنعیوه صانع ازل
عنصر شهادتله جوهرون خلق ائدیبدی خلاق لم یزل
جوهر وجودون نمایشه قویدی قصدیوی موسم عمل
وه که بو مرام اوسته جان وئریب چیخمادن ره اقتداریدن
..
..
..
..
..
ای باشی بدندن جفائیله وادی شهادتده منفصل
وی باش اگمین باش کسنلره باش کسنلری ایلین خجل
ائیلدی قیام مقدسون دشمنی عجب خوار و منفعل
حشره تک سیلینمز بو فرقه نون آدی صفحهٔ شرمساریدن
..
..
..
..
..
بیر سرای غمدور بو یئر ولی گور تاپیب نه جلوه ضیائیله
گوهر گران مایه دور باشون حیف اولا سینیبدور جفائیله
کیم دئیور عیاری قیاس اولار درّ و گوهر پر بهائیله
لعل لب آچیب سالمیسان داخی هر زبرجدی اعتباریدن
..
..
..
..
..
عارضوندن افلاکه متصل منتشر اولور لمعه لمعه نور
نور ایچینده ناگه عیان اولور خط نوریله مصحف و زبور
ای جواب هر رمزه مطلع بس نه دندی خاکستر تنور
بو گئچن گجه کام دل آلیب صبحه تک منور عذاریدن
..
..
..
..
..
دل دعا ائدیردی تضرع خاصیله چاتا تا وصالیوه
ظلمت ایچره حسرت قالان گوزو بیرده توش ائده مه جمالیوه
سن گلن زمان نوک نیزده تا گوزوم ساتاشدی بو حالیوه
حالیمی ائله پوزدی حالتین سالدی قلبیمی اختیاریدن
..
..
..
..
..
نی ده کی تلاوت ائدیر دلون لحن حقیله کهف آیه سین
کلمه کلمه سی محکم ایلیری دین بناسینی حق پایه سین
ظل نخل طوبایه وئرمرم باشوین یارالی بو سایه سین
دالدالانمیشام گور نه سایه وه شهر ابتلاده کناریدن
..
..
..
..
..
برج نیزده نور طلعتین آفتاب رحمتدی زینبه
اول سپهریدن ممکن اولسا گر بیر عنایت ایله بو مطلبه
چون شعاع انوار رحمتین عزت گراندی بو موکبه
بیرده گل غروب ائتمه نوریوی کسمه مجمع آه و زاریدن
..
..
..
..
..
نار فرقتون سالمشیدی بس مجمر ضمیره حسین شرر
بی گمان ئولردیم بوشهریده گورمسیدیم الان سنی اگر
بارگاه دیدندن ائت روان زینبه طرف قاصد نظر
تا یئتیشجاقین شور و شوقیله کام آلام تسلی یاریدن
..
..
..
..
..
یوخ سوزوم اورکده محبتین اللی ایلدی مأنوس اولوب منه
وادی محبتده چاتمیشام لطفویله هر لحظه ایمنه
واردی بیر تمناسی زینبون لیک حاجت اوسته بودم سنه
ممکن اولسا گر بیر باخیش حسین وئر منه او چشم خماریدن
..
..
..
..
..
گر دله ائده سر گذشتیمی نقطه نقطه جاری یانان اورک
بار محنتیندن کمان اولار اهل عالمین قدی تک به تک
بیر بو بسدی مندن مضایقه ائتدی خوش گونی دهریده فلک
آنداولا عزیز جانیوه حسین چوخ گلیلیم روزگاریدن
..
..
..
..
..
صبر تاجینی قویموشام باشا گرچه دلده آرتیبدی طاقتیم
قیزلارین ولی حالیمی پوزوب منقلب اولوب بیرده حالتیم
بعضیسی دئیور باخمیون بیزه بعضیسی دئیور چوخدی محنتیم
بعضیسی سنه عرض حال ائدیر محنت دل داغداریدن
..
..
..
..
..
تا گوزوم بو کوفه دیارینین حسرتیله هر سمتینه باخیر
یادیمه گئچن گونلریم دوشور گوزیاشیم اوزه بی امان آخیر
گه دلیم دئیور وای بابا گهی اودلی آهینی سینمه یاخیر
خاطریمده نیلیم که واردی چوخ خاطرم بو غملی دیاریدن
..
..
..
..
..
کوفه ده بو غم کشف اولوب منه اود دوشه بو کوفه دیارینا
نه چتیندی دل یاره سی حسین که خزان سالیر دل بهارینا
اود دوتوب گوروم من کیمی بیری یانماسین شماتت شرارینا
بیر بو محنته توش اولان بیلر دل چکر نه لر بو شراریدن
..
..
..
..
..
محفل ملالوندا نی کیمین حسرتیله دلپاک ائدر نوا
عشق کربلائیله اگلشر چون باشیندا وار شور کربلا
آل نظرده بو ایستگین اولا کهنه حاجتی تازه دن روا
إیسته کربلایه خلاص ائله کونلونی داخی انتظاریدن
..
..
..
..
..