حالات حضرت امیرالمؤمنین (ع) در شب 19 رمضان
.
✍️ #زبدةالاشعار ✍️
.
🆔: @nohe_torki
.
حاج احمد احمدی (جوان)
.
سپهره اوج ایلیور کوفه دن فغان بو گیجه
گیوبله قاره هامی اهل آسمان بو گیجه
.
آچوبدی باشنی بو غمده حضرت خاتم
اولوب نوائیله زهراده موكنان بوگیجه
.
پیمبران سلف ساکنان عرش عظیم
هاموسی قاره گیوب اولدی نوحه خوان بوگیجه
.
نظام انجم افلاک دگوبدی بیر بیرینه
انیس شیرخدادور ستارگان بوگیجه
.
خزان یلی گتیرور دودمان مولایه
یتیم لیق توزینی یاخشی ارمغان بو گیجه
.
باخوردی غملی قیزی آتاسینون یوزینه
گوروب عذاره توکور اشک خونفشان بو گیجه
.
گھی چخوب باخوری سمت آسمانه على
دوشردی سجدیه گه شاه انس و جان بو گیجه
.
دیردی بو سوزی کلثوم ولىّ سبحانه
کسیلدی طاقتیم ای سرور جهان بوگیجه
.
سبب ندور بوگیجه بیقرارسان بابا جان
ندن عذاره اولور گوز یاشون روان بو گیجه
.
شکسته گوگلمی آل من فدا اولوم گوزیوه
دوبارہ دن یارالی قلبیم اولدى قان بو گیجه
.
بویوردی شاه جهان آغلاما قیزیم صبر ایت
سحر اولاندا سولار باغ و گلستان بوگیجه
.
سحر گلن باشیما محنتی اوزوم بیلورم
ریاض دینه اسور باد مهرگان بوگیجه
.
بابان یانور شرر هجر یاره شمع کیمی
یولومی گوزلوری بیر تیغ جان ستان بوگیجه
.
اگرچه ئولمه لیم سن قیزیم فغان ایتمه
بابان گلوب سنه افطاره میهمان بوگیجه
.
بو گیجه بیر گیجه دی مصطفی ویروبدی خبر
اودور گوزیمده اولور ئولمه گیم عیان بو گیجه
.
باشی یارالی بابان بزم یاره گیتمه لیدی
مزیّن اولدی منه روضۀ جنان بوگیجه
.
یاخونلاشوبدی آنان ساچلارین آلا الینه
شرار غمده یانار قامتی کمان بوگیجه
.
سن استراحت ایله قلبیمی کباب ایلمه
اورکده دردین ایله صبحه تک نهان بو گیجه
.
آلار قراریمی الدن شرار تیغ جفا
سن آغلیاندا گیدور طاقت و توان بو گیجه
.
.
#حیدریه_احمدی_جوان
#حیدریه_شهادت
#سپهره_اوج_ایلیور_کوفه_دن_فغان_بو_گیجه
#ترکی
.
✍️ #زبدةالاشعار ✍️
.
🆔: @nohe_torki
نظر دهید