زبانحال حضرت مسلم علیه السلام
.
✍️ زبدة الاشعار ✍️
?: @nohe_torki
.
نوید آسال اردبیلی
.
بوکوفه ده سفیرون
قانه بویاندی مولا
بوشهربی وفایه
گلمه آماندی مولا
.
.
گلسون سنی بوملت خنجرله یوخلیالار
سینونده غم شرارین عالمده ساخلیالار
گراصغری گتیرسون ال اوسته اوخلیالار
نارجفاده قلبیم جان اوسته یاندی مولا
.
.
نور جمالون ای شه ناز ایلر آفتابه
بیرغم گراندی اما بوخانه سی خرابه
گلمه بوشهره مولارحم ایله سن ربابه
اصغرسیزاول جنابه زندان جهاندی مولا
.
.
گلسون بواهل کینه اوخلان سنی سراقلار
خنجرله بو جماعت اکبر تلین داراقلار
قاسمون آتلو اعدا گل پیکرین ایاقلار
گوزیاش توکن بوعمده کروبیاندی مولا
.
.
بند وفانی بی شک اهل فتن قیرالّار
آئینه حیانی نخوتله سیندیرالّار
بیعت گرایتمسون سن سینوندن اوخ ویرالّار
لرزان گوررسن اوندا کون ومکاندی مولا
.
.
مکتوب انقلابی الده بولار بوکلّر
تیر شمادتیلن دین قلبینی سوکلّر
گلسون بوشهره والله کول باشوزه توکلّر
بورداجنایت حدی عرشه دایاندی مولا
.
.
ویرمه اجازه باغ زهرا جهاندا سولسون
گلمه بوشهره قویما قلبیم غمیله دولسون
مسلم گرئولدی نینک باشون سنون ساق اولسون
نوکرقان ایچره سندن چوخ ناگراندی مولا
.
.
دین اوسته قانه باتدیم من شادمانم ایندی
فخریله جان نثار صاحب زمانم ایندی
اما اوشاقلاریمنان چوخ ناگرانم ایندی
سندن سورا اوشاقلار بی پاسباندی مولا
.
.
من عاشقم یولوندا هرمحنته شکیبم
فیض زیارتوندن جان اوسته بی نصیبم
بوشهرغم فضاده یوخ بیرکسیم غریبم
اوز عهدین اهل کوفه بیرگونده داندی مولا
.
.
همدم اولوبدی منلن قلبیمده شور و شینیم
ای شهریار عالم ای میر قبلتینیم
عهدیمده اولساسهویم عفوایت منی حسینیم
عشقین یولوندا مسلم بی خانماندی مولا
.
.
باب الحوائج اولدوم سایونده پادشاهیم
بیرنوکرم قاپوندا افلاکه چاتدی جاهیم
ای خلقتون پناهی یوخدورمنیم پناهیم
یوخ دفن ایدن سفیری بوغم عیاندی مولا
.
.
ای محتشم مرادیم من کی مرید عشقم
حلقه به گوش غلام شاه وحید عشقم
بیلسون جهان هستی منده شهید عشقم
بومسلمه ازلدن زیبانشاندی مولا
.
.
#سبک_احوالیمیز_یاماندی (بیش از 10 سبک )
.
.
#مسلمیه
#بو_کوفه_ده_سفیرون
#آسال_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید