ای مدفن سر خدا وی کعبه اهل ولا #کربلا_شهاب_اهری

زمزمۀ کربلا …
خطاب به خاک پاک کربلا
..
..
..
..
..
شهاب اهری
..
..
..
..
..
ای مدفن سرّ خدا
وی کعبه ی اهل ولا
مشکات انوار هدی
آی کربلا آی کربلا
..
..
..
..
..
ای قبله ی اهل یقین
سن سن بیزه خلد برین
وار کعبه دن چوخ عزّتین
آی کربلا آی کربلا
..
..
..
..
..
سنده مه جانان یاتوب
یئتمیش ایکی قربان یاتوب
پیر و جوان کامه چاتوب
آی کربلا آی کربلا
..
..
..
..
..
سنده حسین بی سر یاتوب
اصغر یاتوب اکبر یاتوب
عبّاس سرلشگر یا توب
آی کربلا آی کربلا
..
..
..
..
..
سن مخزن الاسرار سن
سن جلوه گاه یارسن
سن موقف اخیارسن
آی کربلا آی کربلا
..
..
..
..
..
محبوب جانان سنده دی
ناجی قرآن سنده دی
هر درده درمان سنده دی
آی کربلا آی کربلا
..
..
..
..
..
عشاقه بزم گلستان
ایلر سنه غبطه جنان
سسلر سنی کرّوبیان
آی کربلا آی کربلا
..
..
..
..
..
وار سنده شاه محتشم
قوللار اولوب سنده قلم
قانه باتوب مشک و علم
آی کربلا آی کربلا
..
..
..
..
..
باغلاندی سنده سو یولی
دوشدی اباالفضلون قولی
هم صول دوشوب هم ساق قولی
آی کربلا آی کربلا
..
..
..
..
..
ایسته سنه زوّار اولاق
شش گوشه قبره قول سالاق
تا بیر دویونجا کام آلاق
آی کربلا آی کربلا
..
..
..
..
..
سن کعبه ی مقصودسن
موسایه مثل طورسن
اشعاریمه منظور سن
آی کربلا آی کربلا
..
..
..
..
..
یاز مطلبی بیرده «شهاب»
سلطان دینه قیل خطاب
آغلار بو غمده شیخ و شاب
آی کربلا آی کربلا
..
..
..
..
..