«زبانحال عقیله العرب در اربعین»
.
.
#سبک_یارالی_جان_یارالی …
.
.
مصیبی تبریزی
.
.
شامیدن کرب وبلا چوللرینه غم گتدیم
بوکولن قامتیلن بیر آلیشان دم گتدیم
فکرائدیردیم کی صولوب شامیده بیرغنچه فقط
قبرین اوسته ولی اون بیر بالانی کم گتدیم
.
.
قوجالار یولدا نلر چکدی جوانلار یازاجاق
جسملر یاره سینی شامیده، جانلار یازاجاق
نه یزیدین قالاجاق آدی نه شمر و شبثین
زینبین ولوله سین رگده کی قانلار یازاجاق
.
.
چوخلارین شام یولوندا من ایتیردیم یارالی
قرخا دین عورتی بو قبره یتوردیم یارالی
رسمیدور الده گرک تحفه اولا قبره گلن
قانلی بیر کوینگی من تحفه گتوردیم یارالی
.
.
یا حسین دور ایاقا قبریوه مهمان گتدیم
نئجه مهمان گوزی گریان ئورگی قان گتدیم
بالاسی خواب ائلیوبدور سنون آغوشینده
هارا گئتسین یئری یوخ خانه سی ویران گتدیم
.
.
تک ابوالفضل غمی سینه میزی دلدی؛حسین
خیمه لردن خجلی دی ولی دینجلدی حسین
کیمدی یثربده خبر امّ بنینه آپارا
اوغلونون باشینه چوللرده نلر گلدی حسین
.
.
من گئدنده بو بلا دشتی قزل قانیدی
گون قباقینده سنون پیکرین عریانیدی
قانیوی توکدیله قرآن اوخیانلار؛ یارالی
یئرده کی ظلم و جفادن فلک حیرانیدی
.
.
من گئدن وقتیده قارداش؛ئورگی قان گئتدیم
جوشدی قانیم ولی دریاکیمی جوشان گئتدیم
ظلمه باخ کربوبلایه سنیلن گلدی باجون
ولی شاماته حسین؛شمریله بوردان گئتدیم
.
.
میزبانلار نئجه گور حرمت ائدوبلر قوناقا
خیزران ووردیلا شاماتیده عطشان دوداقا
راه شاماتیدا چوخ ظلم اولونوب قیزلاریوا
قمچی تا گئتدی گویه قوللاری وئردیم قاباقا
.
.
اللی بش ایل قاشیمی اگمه میشم هئچ گونده
باجون القصه قوجالدی ولی قرخ بش گونده
کوفه ده عشقیمی ابراز ائله دیم آفاقه
باشیمی قانه بلشدیردیم حسین ؛ عشقونده
.
.
کوفه ده اولدی خزان صولدی وفا گولزاری
هلهله ایله دیلر باغلادیلار بازاری
داش ووراندا باشیوا قان ئورگیمدن آخدی
قالدیلار حالدان حالا درد و بلا زواری
.
.
شامیده یورقون اوشاقلارهاموسی آغلادیلار
ائله ظلم اولدی بیزه سینه لری داغلادیلار
ایندیده واردی بیلکلرده طنابین اثری
قول قولابس کی حسین؛قیزلاریوی باغلادیلار
.
.
بیر«مُصیـّب»دی اولوب آدیوی ازبر یارالی
گئجه گوندوز بو آدی عشقیله سسلر یارالی
گوزآچاندان اسوری سینه سی عشقونده سنون
جان وئرن دم گوزی یولداسنی گوزلر یارالی
.
.
#اربعین #مصیبی_تبریزی #ترکی #زبدةالاشعار
نظر دهید