کهنه دنیایه کونول عادتدی آزار ایلمک #بیدقداری

پندیات
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
کهنه دنیایه کونول عادتدی آزار ایلمک
یاری یاریندن ائدوب احوالینی زار ایلمک
.
گوئیا خوشدور اونا فرهادی شیریندن ائدوب
قیسی صحرایه سالوب لیلانی بیمار ایلمک
.
کهنه عادتدور اونا میدانی وئرمک جاهله
عاقلی بیر گوشه ده درده گرفتار ایلمک
.
اعتماد ائتمه بئله دنیایه یوخدور پایه سی
چونکه آساندور اونا انسانلاری خوار ایلمک
.
عارف اول انسانلیقی کشف ایله یوخسا بی عمل
درده دگمز سینه نی کشاف اسرار ایلمک
.
محضرعدل الهی ده عزیزیم خوش دگل
خلقین آسان ایشلرین ظلمیله دشوار ایلمک
.
هانسی بیر قاموسیده تعریف اولوب بیجا دگل
سائلی دیلدن سالوب سلطانی پروار ایلمک؟
.
تا سوال ائتدیم ندور اُولا؟ دئدی پیرخرد
گوهر عمری نثار زلف دلدار ایلمک
.
.
#پندیات
#کهنه_دنیایه_کونول_عادتدی_آزار_ایلمک
#بیدقداری
#ترکی
.
✍️ #زبدةالاشعار ✍️
.
🆔: @nohe_torki