ای نیر پرفروغ چرخ لطف و کرم و وفا و رحمت #حضرت_رقیه_فغانی_تبریزی

«مشتاق وصل»
زبانحال حضرت رقیه (س) با رأس پدر
در خرابه شام
..
..
..
..
..
حاج یحیی فغانی تبریزی
..
..
..
..
..
ای نیّر پرفروغ چرخ لطف و کرم و وفا و رحمت
تشریفون ایدوب منى مشرّف چوخ عزّته ای خدیو عزّت
..
..
..
..
..
لایق دیوری اگر بو منزل سلطان سریر ارتضایه
نیلوم گورسن یوخومدی امکان هر ما ملکیم گیدوب فنایه
مقدوروم اولیدی کاش ایدیدیم زینت بـو مکان غم فزایه
شأنونجه اولیدی پیشوازون ای جوهره ی جلال و عزّت
..
..
..
..
..
ویرانه ده فیض وصلویله صد پاره گوگل رفو اولوبدی
عاجزدی دلیم ثنای حقدن دل نایل آرزو اولوبدی
اقبالیمه باخ زهی سعادت گون ذرّیه روبرو اولوبدی
باشیم اوجالوبدى عرش حقّه میسور اولالی منه بو نعمت
..
..
..
..
..
ای سایه سی سایه سار رحمت چون سایه ی رحمت الهی
خورشید آپارار اگرچه عرشه بیر فیض نظرله پرّ کاهی
من ذرّه ولیک سن او خورشید تابنده ایدوبدی مهر و ماهی
منده یتوشم سعادته سال لطفاً باشیم اوسته ظلّ رحمت
..
..
..
..
..
یوخدور بابا بیر خدیو سن تک هیچ تاج وران ماسبقده
احوال رعیتی تفحص ایتما قلقا رفرف طبقده
گلدون ایله دون شکسته نفسی گوردون که گونوم باتوب شفقده
خوش گلمیسن ای صفای مطلق وار سنده عجب خلوص نیّت
..
..
..
..
..
آوازه ی جاودان عشقیم آفاقی دوتوبدی همچو مجنون
شرمنده اولوبدی گوز یاشیمدان ایّام فراق ، رود جیحون
سرگشته بیر عاشقم خلاصه هجروندن اولوبدی سینه پرخون
القصّه چکوب گتیردی عشقیم اولدی منه گور نجه سعادت
..
..
..
..
..
اجلال نزول شهریاره تکریم مناسب ایستر اولسون
مستلزم موکب شهنشه البته گرکدی گوهر اولسون
نیلوم گوروسن یوخ الده امکان شرمنده بو چرخ اخضر اولسون
واردور قوری جانیمه گمانیم هر چند که جاندا یوخ لیاقت
..
..
..
..
..
مشتاقی وصل یاردن دور گلناری چهر ارغوانی
تا گلماقوین سوزون ایشتدیم آلدوم اله من بو نقد جانی
اقبالیمه باخ بو چرخ گردون وئرمیش دییسن منه جهانی
باجادی ئولم سویوندوقومدان تا عشقیمی ائللر ایلسون حکایت
..
..
..
..
..
گویا افق طبقده باتمیش خوناب شفقده مهر خاور
تشریفوه اولموشام مشرّف ویرانه ده ای سر مطهر
آغوشیمه آلموشام اگرچه باشون ولی یوخ دلیمده باور
آیا بو منم که یار اولوبدی ویرانه سراده بو سعادت
..
..
..
..
..
گوردوم بابا سنسیز ایله گونلر رویاده ده گورمیوبدی بیر کس
غارتده او قدر آغلامشدوم باتمیشدی بابا او لحظه دن سس
هر باز دم نفسده عمروم پیک اجله دییردی بس بس
ارکان وجودیمی او گوندن باشدان ایاقا آلوبدی وحشت
..
..
..
..
..
هنگام وداع وار یادمدا لطفون منه چوخلی شامل اولدی
آغوشوی ترک ایدن زماندان آماج غم و بلا دل اولدی
سنسیز منه گه خرابه منزل گه کوفه دیاری منزل اولدی
حاشا که دوباره آیرلام من حاشا که ایده م دوباره غفلت
..
..
..
..
..
سندن سورا بیز اگرچه اولدوق چوخ درد و بلالره گرفتار
سر بسته دیوم که شام و کوفه اهلی بیزه چوخ ویروبدی آزار
القصّه ایراق گوزوندن اولموش غارت گونی اهل بیت بیمار
بیرگونده دونرگه میز دونوبدور صحرای بلاده غملی ساعت
..
..
..
..
..
ای صدرنشین کاخ هستی نسگللری یاندران جهانی
گاهی طبق اوستی گه تنوری آذین ایلیین گهی سنانی
فرجام سیاه نامه سیندن تشویشه دوشوب دل «فغانی»
دامن سنون ال منیم آقا جان ای شافع عرصه ی قیامت